Першы раз ў беларускамоўны клас гэтым годам не пойдзе ніхто. З усіх школаў, выказаўшых гатоўнасць вучыць першакласнікаў па-беларуску толькі 32-я атрымала адзіную заяўку на беларускамоўнае навучанне. Але прыхільнікі беларускамоўнага навучання не губляюць аптымізму і сцвярджаюць: усё толькі пачынаецца.

“Пра акцыю мы даведаліся і далучыліся да яе напрыканцы траўня. Адразу было зразумела, што за два месяцы зрабіць што-небудзь будзе вельмі цяжка, тым больш моўная палітыка мясцовых уладаў стварэнню беларускамоўных класаў зусім не спрыяе. – адзначыў Павал Мажэйка, сябра Рады Руху “За свабоду” - Мы паставілі гэта на перспектыву, каб падняць гэтае пытанне ў наступным годзе, можа яшчэ праз год. Зараз галоўнае – данесці да людзей, што сённяшная моўная сітуацыя – часовая.”

Тым часам падрастаюць дзеткі, чые бацькі выступілі за стварэнне беларускамоўнага дзіцячага садка. Адным ім і вядома, з якімі цяжкасцямі прыйшлося сутыкнуцца, і якія яшчэ на перадзе.

Алінка Новік