Старажытныя грэкі аддавалі даніну павагі маці ўсіх багоў – Геі. Рымляне асвячалі тры дні ў сакавіку (з 22 па 25) другой маці багоў – усходняй Кібеле. Для кельтаў Днем маці быў дзень ушаноўвання багіні Брыджыт.

С XVII па XIX стагоддзе ў Велікабрытаніі адзначалася так званая «Мацярынская нядзеля» (англ. Mothering Sunday) — чацвертая нядзеля Вялікага паста, прысвечаная ўшаноўванню жанчын-матуль па ўсей краіне. У гэты дзень юнакі і дзяўчаты, якія працавалі памочнікамі майстроў ці слугамі, вяртаючыся дадому, прыносілі ў падарунак сваім матулям фруктовы пірог.

У ЗША Дзень маці ўпершыню публічна быў падтрыманы вядомай амерыканскай пацыфісткай Джуліяй Уорд Хоўв ў 1872 годзе. «Дзень маці» па меркаванні Джуліі Уорд — дзень адзінства матуль ў барацьбе за мір ва ўсім свеце. Канцэпцыя Джуліі Уорд не знайшла шырокай падтрымкі ні ў ЗША, ні ў іншых краінах.

У 1907 годзе амерыканка Анна Джарвіс з Філадэльфіі выступіла з ініцыятывай ўшанаўвання жанчын-матуль у памяць аб сваей маці. Анна напісала лісты ў дзяржаўныя ўстановы, заканадаўчыя органы і выдатным асобам з прапановай адзін дзень у годзе прысвяціць ушанаўванню маці. У 1910 годзе штат Вірджынія першы прызнаў Дзень Маці афіцыйным святам. У 1914 годзе прэзідэнт ЗША Вудро Вільсан аб’явіў другую нядзелю мая нацыянальным святам ў гонар усіх амерыканскіх жанчын-матуль.

Услед за ЗША другую нядзелю мая аб’явілі святам 23 краіны, а яшчэ больш 30 адзначаюць свята ў іншыя дні. У Расіі свята Дзень Маці адзначаецца ў апошнюю нядзелю лістапада, на Беларусі ен святкуецца з 2000 года 14 кастрычніка.