Зімовыя святы самыя працяглыя і доўгачаканыя. Таму і ўзнікла чарговае  пытанне да гарадзенцаў у нашым традыцыйным апытанні – ЯК ВЫ ПРАВОДЗІЦЕ СВОЙ ВОЛЬНЫ ЧАС? Адказвалі па-рознаму. Некаторыя проста гаворылі: спім. Але амаль ўсе вызначалі прагулкі і сустрэчы з сябрамі. Такім чынам,  можна сказаць, што гарадзенцам падабаецца шпацыраваць і камунікаваць.  

Ізотавы: Гуляем, падарожнічаем, ходзім ў музэі, час ад часу – у госці. А увогуле, займаемся з унучкамі.
 

Таццяна Гуліда: Хаджу ў госці, езджу на дачу, калядую. Праўда, у гэтым годзе яшчэ не калядавала, але буду.

Ірына Мікалаеўна са спадарожнікам (які пажадаў застацца невядомым): Пасля застолляў вядзем здаровы лад жыцця, гуляем у горадзе.

Воля, 9 год: Перад святамі гуляю з сяброўкамі ва двары і дапамагаю бацькам.

Юлія, прадавец: Я ўсе святы працавала, таму што прадавец у навагадняй секцыі. А адпачываць буду, калі ў людзей закончацца святы.

Лілія, навучэнка: я толькі сёння прыехала з Мінска. Калі быць шчырай, я б лепей засталася ў Гародні. Тут я з сяброўкай гуляю па Савецкай, па крамам. Такі Калядны шопінг.

Маладзёны Ігар і Вольга: Граю музыку (ён). У нас маленькае дзіця, ўвесь час праводзім з ім і ладзім святы (Яна).

Ганна, навучэнка: Гуляю, адпачываю і вучуся – рыхтуюся да ЦТ.

Дар'я: Катаюся на коўзанках у Лядовым палацы, гуляю з сябрамі. А зараз закупалі падарункі для знаёмых.

Алеся: Я большую частку часу праводжу за кампутарам, «завісаю» ў інтэрнэце.

Ксеня, Каця, Даша: Ходзім у кіно, у парк, кафэ. Увогуле, самае лепшае месца для сустрэч з сябрамі – ёлка на Савецкай плошчы.

Алеся ПАРФЁНЕНКА

Дар’я КУЛІНКА