Народу шмат чаго абяцаюць. Еўрапейскі ўзровень жыцця, сапраўдную сацыяльную арыятнаванасць дзяржавы, нават – танную каўбасу. З Еўропай Беларусь цяжка і дагэтуль параўнаць, нядаўна скасаваль ільготу, а якасная каўбаса не таннее. Але сёння размова пойдзе пра іншыя абяцанкі. Абяцанкі-“страшылкі”.

МОСТ

Дата закрыцця Старога маста ў Горадні пераносілася некалькі разоў. Поўнае блакаванне яго было абяцана чыноўнікамі на другую палову кастрычніка бягучага году. Але тады мы ўбачылі толькі пантонны мост у 200 метрах ад Старога. Хадзіць па ім боязна – укачвае, ды падлога з дрэва, якое ў некаторых месцах ужо праламалася. Цяжка ўявіць, у якім ён будзе стане за час “рэканструкцыі” Старога маста.  Паводле  “Гродзенскай праўды” яна будзе каштаваць не 400 млрд. рублёў, а 100 млрд. і працягнецца 8 год. Пазней, дата закрыцця Старога маста – 7 лістапада. Але цяпер дакладнай даты закрыцця  ніхто не дае. Застаецца толькі чакаць і загадзя планаваць свае перамяшчэнні па гораду.

ШПІТАЛЬ

Таксама, ў снежні 2007 году плануецца часовы пераезд аднаго з карпусоў Абласнога клінічнага шпіталю, дзе ідзе рамонт, у будынак былой чыгуначнай бальніцы. Другая з іх была пераведзена з баланса ведамства беларускай чыгункі на баланс кіравання аховы здароўя аблвыканкама. Тут будуць размешчаны такія аддзяленні, як гематалогія, рэўматалогія, уралогія і мікрахірургія вока. Нагадаем, што за год у чыгуначным шпіталі лячылася каля трох с паловай тысячаў чалавек – гэта як работнікі чыгункі, так і іншыя пацыенты. Цяпер яшчэ вырашаецца, што будзе знаходзіцца ў гэтым будынку праз 2-3 гады.

Абяцанае хуткае закрыццё шэрагу міні-рынкаў у Гродна адцягваецца на невызначыны час.

Бадай, няма ў Беларусі чалавека, які хоць раз не быў бы на міні-рынку. Менавіта там ён набывае “хлеб свой штодзёны”, які можа задаволіць самыя разнастайныя фінансавыя магчымасці. Тым не меньш, доля неарганізаванага рынка ў нашым горадзе складае 29% ад аб’ёму гандля. Як паведаміў мне старэйшы адміністратар па міні–рынкам ЗАТ “ГроднаГандальСэрвіс” Генадзь Марчук, вясной і летам гэтага году сапраўды было запланавана закрыццё міні-рынка “Фарты”. Гэта было абумоўлена тым, што гандлёвы дом “Няміга – Фаварыт”, які заходзіцца побач, збіраўся пашырацца за кошт плошчы міні-рынка. Але пакупнікі разам з ІП, аб’яднаўшыся, адстаялі яго. Падобная сітуацыя назіралася і вакол міні-рынка “Фолюш”. Адрознівалася яна толькі тым, што там жадалі правесці дарогу, а міні-рынак быццам бы замінаў. Пазней, паводле сп. Марчука, была перагледжана будаўнічая дакументацыя, і ўлады прыйшлі да адзінага разумнага для ніх рашэння – пакінуць гэты міні-рынак у спакоі. Так сама, на бліжэйшую перспектыву, застануцца дзейнічаць іншыя міні-рынкі. У некаторых з іх, напрыклад “Дзевятоўка” і па вул. Антонава, удасканальваецца  інфраструктура: праведзены вадаправод, каналізацыя і інш.

Алеся Парфененка