Вельмі шкада, але ў нашым горадзе хатняе насілле даволі распаўсюджаная рэч. Больш за ўсё насіллю падвяргаюцца жанчыны і дзеці. Па статыстыцы, кожная трэцяя жанчына пакутуе ад пабоеў мужа, кожнае другое дзіця хоць раз у жыцці перанесла насілле з боку бацькоў...

Але ў большасці выпадкаў ахвяры саромяцца, або баяцца заявіць аб праблеме.  Менавіта гэтым яны ўкрываюць злачынца і дазваляюць яму працягваць здзеквацца над імі. Ніжэй мы прыводзім некалькі парад, што рабіць, калі вы падвергліся насіллю з боку членаў вашай сям’і.

Вылучаюць чатыры віды хатняга насілля:

– Фізічнае насілле ( наўмыснае выкарыстанне фізічнай сілы для прычынення  пашкоджанняў і траўм чалавеку)

– Сэксуальнае насілле ( насільны палавы акт)

– Псіхалагічнае насілле ( пастаянны кантроль, ізаляцыя і прыніжэнне чалавека)

– Эканамічнае насілле ( адказ чалавеку ў доступе да сродкаў існавання і кантроль над ім)

Калі штосьці з гэтага спісу насілляў здарылася з вамі, неабходна:

1. Прыняць меры для захавання слядоў злачынства ( рэчыўныя доказы ) – паламаныя рэчы, парваную вопратку і т.п.

2. Трэба напісаць заяву на імя пракурора раёна, або ў суд, на тэрыторыі якога адбылося злачынства. Заява пішацца ў двух экзэмплярах: адзін экзэмпляр патрэбна аддаць у міліцыю, а другі вернецца вам, на ім будзе стаяць адзнака аб прыёме заявы з указаннем даты, часу прыёма і парадкавага нумару.

Міліцыя абавязана выдаць накіраванне на медыцынскую экспертызу. Да ўрача можна звяртацца самастойна. Інфармацыя, якая будзе запісана ў медыцынскую картку, дазволіць правесці экспертызу пазней.

Але найлепш за ўсё будзе звярнуцца да кваліфікаванай дапамогі юрыста.

Калі вы ахвяра або назіральнік хатняга насілля – не саромьцесь, не маўчыце. Вы павінны заявіць аб гэтым уголас, гэта ваша права, ваша жыццё. Распараджайцеся ім так, як вы таго жадаеце!

Маргарыта ОРСІК

Фота з  http://ww.utro.ru