Ці не задаваў ты сабе пытанне: што я буду рабіць далей? Дзе маё месца ў жыцці?
Пэўна, задумваўся так кожны, але многія ўпершыню сур’ёзна пачалі разважаць над гэтым толькі ў канцы школы.

Асабліва гэтыя пытанні тычацца вучняў 10-тых класаў, якія ў бягучым годзе атрымалі сапраўды шакіруючую звеcтку: «Замест двух гадоў, вам засталося вучыцца толькі адзін!» Вельмі неадназначныя думкі выклікала гэтая пастанова не толькі ў дзяцей, але і ў  іх настаўнікаў. I адным з важнейшых пытанняў было, напрыклад, такое: «Якія наступствы можа мець чарговая рэформа школьнай адукацыі?». Ніхто не даў адназначнага адказу.

Цяпер, калі да школы застаўся амаль месяц, сярод дзесяцікласнікаў пачалася сапраўдная паніка. Здавалася, ўсе планы на будучыню бязлiтасна зруйнаваны. Не паспеўшы адпачыць ад экзаменаў у дзесятым класе, школьнiкi будуць вымушаны распачаць падрыхтоўку да Цэнтралiзаванага тэставання.

Але, паразважаўшы трохi больш, цi сапраўды ўсё так страшна, як здаецца на першы погляд, узнікла думка: а можа гэта наадварот добра. Вучыцца на год менш марылi вельмі многiя. Акрамя таго, у школах плануецца пераход з шасцiдзённага на пяцiдзённае навучанне. З аднаго боку гэта зменшыць нагрузку на вучняў, але цi не прывядзе гэта да перагружанасцi заняткамi ў буднiя днi?  

Адным з важных аспектаў рэформы адукацыі з’яўляецца адмена паглыбленага вывучэння  прадметаў па выбару. Цяпер усе вучнi будуць атрымлiваць веды ў школе аднолькава, не залежна ад таго, цi ты гуманiтарый, цi матэматык. Прапануецца дапаўняць навучанне на факультатывах. У сувязі з гэтым будзе адбывацца спрашчэнне заданняў Цэнтралiзаванага тэставання – цi не марылi аб гэтым тысячы абiтурыентаў?

Вельмi цiкавая справа ў нас з вамi атрымоўваецца: колькасць паступаючых у наступным навучальным годзе павялiчыцца амаль у 3 разы! Не прывядзе гэтае маланкавае вырашанне да перанасычанасцi ў вышэйшых навучальных установах? Без развагаў,  pэформа будзе адыграваць ролю стымула для больш  сур’ёзнага навучання. Але таксама вялiкая колькасць абiтурыентаў можа проста не паступiць. Тут вучнi могуць толькi мець надзею на лепшае.

Вядома толькi адно: сапраўды будзе цяжка! Але, з другога боку, у жыццi нiколi лёгка не было …

Павел ТЭЛЕМАН