Палата прадстаўнікоў Нацыянальнага сходу Рэспублікі Беларусь прыняла ў другім чытанні законапраект "Аб дзяржаўных сацыяльных палёгках, правах і гарантыях для асобных катэгорый грамадзян". Прапануем храналогію развіцця падзей ў цытытах.

Так было сказана

“Я упэўнены, што калі людзям правільна растумачыць, яны зразумеюць”, — Аляксандр Лукашенка.

Сяргей Касцян, дэпутат Палаты прадстаўнікоў: «Прапаную галасаваць без далейшых абмеркаванняў».

“Прыйшоў час пераглядзець сістэму ільготаў, якая асобнай катэгорыі “надвор’я не робіць”, а толькі распыляе сродкі”, “стратэгія дзяржавы абавязана будавацца ў напрамку ад сацыяльнай абароны да сацыяльнага развіцця”, “утрыманнецтва недапушчальна”, — такія словы гучалі ў Авальнай зале.

“Не ад вялікіх грошаў, не ад добрага жыцця дзяржава эканоміць. Сення трэба падтрымаць насельніцтва ў сувязі з павелічэннем коштаў на энергарэсурсы. Можна захаваць ільготы, але тады мы атрымаем “жыроўкі” на суму ў тры-чатыры разы больш”, —  Наталля Пяткевіч, намесніца кіраўніка Адміністраціі Прэзідента.

«Удзячнасць людзям, якiя маюць нейкiя заслугi перад краiнай, iх мацi i сем’ям не вымяраецца льготамi. Гэта розныя рэчы», — лiчыць Наталля Пяткевiч.

Валянцін Сімірскі, дэпутат Палаты прадстаўнікоў: «У нас шмат нібыта льготнікаў, бачыў я іх ў Аўганістане ды Чарнобыле».

Міністр працы і сацыяльнай абароны Уладзімір Патупчык: “Прынняцце законапраекта дазвольць умоўна зэканоміць звыш за 168 млрд. рублёў, а таксама стварыць умовы для іх пераразмеркавання і эффэктыунай дапамогі тым, хто мае патрэбу. Акрамя таго, гэтыя сродкі пойдуць на реалізацыю дзяржпраграм па павілічэнню нараджальнасці, а таксама ліквідацві наступстваў аварыі на ЧАЭС

Мела месца быць

Праект дакумента, які скачараче спіс ільготнікаў быў складзены яшчэ ў 2003 годзе. Ільготамі ў Беларусі карыстаюцца  64% насельніцтва краіны.

Спробы дэпутатаў высвятліць, колькі ўсё ж выйграе бюджэт ад адмены і ці мажліва гэту суму ашчадзіць на чымсьці іншым, былі спынены віцэ-спікерам Палаты прадстаўнікоў Сяргеем Заболотцем. “Зараз абмяркоўваецца абсалютна іншае пытанне, аб ільготах можна будзе спытаць пад час традыцыйных адказаў кіраўніцтва”, — заявіў ён. Пры гэтым разгляд законапраекта аб палёгках запланавана на 23 траўня, а адказы ўрада - на 25-е.

"Ужо даўно ўсё вырашана, - кажа намеснік старшыні беларускага грамадскага аб'яднання "Аўтограф Чарнобыля" Лілія Нагорная. - Магчымасці вывучыць дакумент і магчымасці занесці пэўныя заўвагі або прапановы ў нас проста не было. Нас запрасілі толькі дзеля таго, каб стварыць бачнасць абмеркавання".

Зроблена так

За новы закон прагаласавалі 100 дэпутатаў, 1 дэпутат прагаласаваў супраць.

Законапраект аб аптымізацыі палёгак захоўвае асноўныя палёгкі і гарантыі для людзей, якія маюць выбітныя заслугі перад дзяржавай, альбо з-за свайго фізічнага і сацыяльнага стану патрабуюцца ў дзяржпадтрымцы. Гэта Героі Савецкага Саюза, Героі Сацыялістычнай Працы, Героі Беларусі, поўныя кавалеры ордэнаў Славы, Працоўнай славы, Бацькаўшчыны, інваліды і ветэраны; інваліды першай і другі груп; дзеці-інваліды; непаўналетнія жыхары ў зонах радыёактыўнага забруджвання; грамадзяне з захворваннямі, уваходнымі ў адмысловы пералік.

Ветэраны вайны, сем'і загінулых вайскоўцаў, інваліды і людзі пацярпелыя ад аварыі ў Чарнобылі, застаюцца ў ранейшых правах. А вось пуцёўкі на курорты і бясплатныя лекі для некаторых катэгорый грамадзян будуць даваць па новых прынцыпах

Студэнтам аўтары закона прапануюць поўную аплату за праезд у грамадскім транспарце. Для астатніх катэгорый грамадзян палёгкі будуць ліквідаваныя поўнасцю або часткова.

СТУДЭНЦКАЯ ДУМКА

Жанна Байгод, першакурсніца

Для мяне адмена льготаў сур’езна адаб’ецца на маім бюджэце. У мяне адна маці, яна выхоўваць мяне і сястру без бацькі. Даехаць да Шчучына каштуе 7 тыс рублёў. Гэта толькі ў адзін бок. Калі да маці часта ездзіць, то яе настаўніцкага заробку і маёй стыпендыi проста не хопіць. А яшчэ трэба аплочваць жыллё, неяк харчавацца, набываць праязды квiток па поўнаму кошту ў грамадскім транспарце.

Дзмітрый Смірноў, 4 курс

Вядома, прыкра. За  ўсіх я гаварыць не магу. Але крыўдна не за тое, што здымаюць палёгкі з гарадскога транспарта. Гэта яшчэ можна перажыць, а вось палёгкі міжгародныя…

Палуйчык Вольга, 3 курс

Беларусь можа застацца адзінай краінай, дзе студэнты застануцца без льготаў. Студэнты будуць ізаліраванымі, не змогуць нікуды ездзіць. Мінімум 40 тысяч будзе каштаваць дарога ў Мінск туды і назад. Таму студэнтам прыйдзецца ісці куды-небудзь падпрацоўваць. Напрыклад у Еўропе студэнты маюць зніжкі, калі наведваюць тэатр, кіно і г. д. А якія умовы існавання у інвалідаў у нашай краіне, а ў іх яшчэ адбіраюць льготы! Чамусьці дзяржава эканоміць на сацыяльна неабароненых людзях.

Ганка