Тое, што зрабілі з Гародняй – жах. Для мяне гэта не рэканструкцыя, а знішчэнне. Сёння страшна прайсці па Савецкай плошчы. Сярод гарадзенцаў шмат незадаволеных гэтым. І да той пары, пакуль грамадскія ініцыятывы не будуць мець палітычнай афарбоўкі, то  цалкам рэальна, што гэта праца прынясе плён.

Сяргей Фінскі, гурт “Айша”:

Да “рэканструкцыі” стаўлюся, канешне, адмоўна. Праблемы з транспартам неабходна вырашаць, але не знішчаць дзеля гэтага старыя будынкі. Неабходна знайсці баланс. Грамадскія ініцыятывы – гэта здорава. Аднак, можа, варта замест трох дробязных неэфектыўных рэчаў зрабіць адну эфектыўную? Падключыць ЮНЭСКА, напрыклад. Заангажаваць чыноўніка...

Віктар Шалкевіч:

Старая Гародня – частка нашай культуры. Ламаць гэту спадчыну – вялізная бессэнсоўнасць. У Заходняй Эўропе за кожную драўляную палку клапоцяцца. Не гледзячы на сённяшнія ўмовы, інтэлігенцыя, адукаваныя людзі, павінны выказаць сваё слова.

Андрусь Такіданг, гурт “Рэха”:

Вельмі дрэнна, калі за кошт гістарычнай спадчыны пашыраюць інфраструктуру. Дзейснасць грамадскіх ініцыятыў, думаю, залежыць ад колькасці заангажаваных у гэту справу людзей. Таксама мае значэнне розгалас у прэсе.

Саша Дзянісаў, лідэр Кальяна:

Негатыўна стаўлюся да рэканструкцыі.Ведаю пра тое, што створаны адмысловы грамадскі рух. Падтрымліваю гэта. Калі мы нічога не будзем прадпрымаць, тады яны зробяць тое, што з Савецкай плошчай.

Руся, гурт “Індыга”:

Наступны маразм уладаў, так хутка гісторыі ўвогуле не застанецца. На сённяшні дзень Горадня – адзін з нешматлікіх беларускіх гарадоў, у якім захавалася вялікая колькасць гістарычных помнікаў.

На жаль, у Беларусі не існуе інстытуцыяў, якія б займаліся рэканструкцыяй прафесійна, таму нярэдка справа сводзіцца да таго, каб штосці падмазаць алейнай фарбай, схаваць... а часам і да культурнага забойніцтва.

Калі ў моладзді Горадні хопіць сілаў перамагчы, я буду вельмі радая. Спадзяюся, што ўсё у вас атрымаецца!

Хрысціна Марчук

Алінка Новік