Навіны

У Гродне скончыўся "Каложскі дабравест"

13 лютага 2010 | Піша В.Дрэма

Гран-пры Фестывалю праваслаўных песнаспеваў заваяваў жаночы калектыў кляштара Святога Гегарда з Арменіі.

Армяне прадставілі на конкурс раннехрысціянскія распевы IV-VIII ст.

Усяго ў Фестывалі, які праходзіў у Гродне 10-13 лютага, бралі ўдзел 39 калектываў з Беларусі, Расіі, Літвы, Польшчы, Украіны і, упершыню, з Арменіі і Сербіі.

Сёлетні Фестываль стаў ужо дзевятым па ліку.

Ідэя яго правядзення нарадзілася ў час святкавання 100-гадовага юбілею Гарадзенскай праваслаўнай епархіі.

Тады па бласлаўденні епіскапа Гарадзенскага і Ваўкавыскага Арцемія быў створаны хор святароў Гарадзенскай епархіі, якім кіруе старшыня журы "Каложскага Дабравеста", кампазітар іерэй Андрэй Бандарэнка.