Славянскае братэрства абароніць свет?

Мэта канферэнцыі: даследаваць праблему баявой садружнасці славян падчас войн і вайсковых канфліктаў 14 - пач.21 стагоддзяў.

Праца канферэнцыі будзе весціся ў чатырох секцыях:

1. ”Баявая садружнасць славян напярэдадні і падчас Грунвальдскай бітвы”

2. “Баявая садружнасць славян у 15-19 стст.

3. “Войны і канфлікты 20 - пач.21 стагоддзяў”

4. “Унёсак баявой садружнасці славян у Перамогу ў Вялікай Айчыннай вайне 1941-1945 гг.”

Сваё меркаванне адносна вынесеных на разгляд тэмаў выказаў гродзенскі гісторыі Ян Лялевіч:

“Што да другой секцыі, то гэта смешна.

З канца 15 да канца 18 стагоддзя для Беларусі, за рэдкім выключэннем, наш усходні сусед быў асноўным ворагам.

У 16 стагоддзі мы змагаліся з Расіяй і крымчакамі, у 17-ым – з Расіяй і туркамі, у 18-ым – толькі ў вайне супраць Швецыі мы былі з Пятром I саюзнікамі, затое пазней Расія спрычынілася да падзелу Рэчы Паспалітай.

Пра якое братэрства можа весціся гаворка?

Тое, што тычыцца Вялікай Айчыннай вайны. Так, унёсак беларусаў (як і расейцаў) у перамогу вялікі, але, пры гэтым, самі расейцы стварылі Рускую Вызваленчую Армію, якая на баку Вермахта змагалася супраць Саветаў.

Былі там і ўкраінскія, і беларускія часткі”.