Навіны

У першай палове дня - сталоўка, у другой - кавярня

10 сакавiка 2010 | Піша Л.Леонт

Пасля рамонту адкрылася сталовая ў ГД «Нёман», але зараз яна лічыцца кавярней і называецца МАГ-кафэ. Памяшканне пасля рамонту стала больш утульным, адначасова тут могуць знаходзіцца 84 чалавекі. А самое галоўнае, што у вытворчым цэхе – новае сучаснае абсталяванне.

Галоўны спецыяліст-тэхнолаг гэтага цэха нават навучаўся у Нямеччыне. Меню разнастайнае, ёсць «беларускія» стравы. Пакуль усе яны – у наяўнасці. Сумна другое, што вялікая кавярня ў самым цэнтры Гродна знаходзіцца на 4-м паверсе ўнівермагу, а не побач з пешаходнай зонай, як гэта прынята ва ўсім свеце.