Навіны

Як абскардзіць рашэнне, якога не ведаеш

12 сакавiка 2010 | Піша Л.Леонт

Уладзімір Хільмановіч, дзеяч Гродзенскага праваабарончага цэнтру «Вясна», звярнуўся сёння з запытам у Цэнтральную выбарчую камісію Беларусі (ЦВК) па пытанні супярэчнасцяў заканадаўства і выбарчай працэдуры ў Беларусі.

Праваабаронца звяртае ўвагу, што 10 сакавіка гродзенская адміністрацыя сфармавала спісы сябраў выбарчых камісій, але па сённяшні дзень не падала іх да публічнага ведама. Згодна выбарчаму заканадаўству, гэтыя спісы трэба падаць да ведама грамадзян цягам сямі дзён. Абскарджваць рашэнне аб сфармаванні спісаў сябраў выбарчых камісій грамадзяне могуць цягам трох дзён з моманту іх сфармавання.

– Якім чынам мы можам абскардзіць рашэнне, якога не ведаем? – пытаецца ў ЦВК У. Хільмановіч.

Паводле У. Хільмановіча, беларуская выбарчая працэдура пазбаўляе беларусаў ад магчымасці абскарджваць рашэнні адміністрацыі.

Радыё Рацыя