У Беларусі пражывае каля паўмільёна інвалідаў. З іх 30 тысяч – маладыя людзі ва ўзросьце да 18 гадоў, 4 тысячы – дзеці. Штогод у нашай краіне лічба павялічваецца на 50 тысяч. Гэты дзень не павінен быць святам, але праяўленнем клопату аб людзях, што не маюць правоў роўных са здаровымі людзьмі. Мізэрная пенсія, дарагія лекі, жахлівыя праблемы з перамяшчэннем па горадзе, непрыстасаваныя грамадзкія туалеты, транспарт і ходнікі нават каля дзяржаўных устаноў – гэта далёка не ўвесь спіс праблем, з якімі інвалід вымушаны сутыкацца кожны дзень. Аднак, у іх адбіраюцца льготы і інваліды з апорна-рухальным апаратам не змогуць болей атрымаць спец-транспарт.