У мінулую суботу на Савецкай плошчы прайшоў навагодні кірмаш. Усе на ім нагадвала аб хутка надыходзячых святах. І Дзед Мароз, якому дзеці чыталі вершыкі, і Снягурка, якая радавала усіх сваёй усмешкай, і навагоднія лялькі, якія зручна размясціліся каля харчовых кіёскаў, і, вядома, песні гродзенскіх выканаўцаў.

Беларуская елачка, што праходзіла ў гродзенскім палацы тэкстыльшчыкаў, сабрала больш за 200 дзетак і дарослых. "Новыя гарадскія персанажы, Святы Мікалай і Снягурка, добрая музыка і добры настрой", – менавіта гэтым адрознівалася гэтае мерапрыемства ад папярэдніх, кажуць наведвальнікі елачкі.

Арганізатарамі ў гэтым годзе быў Бацькоўскі камітэт па арганізацыі беларускамоўных дзіцячых садкоў разам з ініцыятыўнай групай штогадовага правядзення беларускай ялінкі.

Конрад МІХЕЛЬСОН

Фота Наталлі ЯГОРАВАЙ

Калядаваць было надта весела. А яшчэ гэта вельмі цяжкі хлеб – як фізічна, так і маральна. Найперш, калядоўшчыкі шмат ходзяць. Па-другое, з хаты ў хату трэба ВЕСЕЛА  выконваць усю праграму ЦАЛКАМ. А гэта: песень пяць, з тузін пажаданняў, прадстаўленне казы, гандаль з гаспадарамі, развітанні. Ніхто задарма каўбасы не дасць і не налье …э-э… гарбаты. І для кожнага гаспадара і гаспадыні спяваць і жадаць трэба так, як быццам гэта першая хата. Асабіста я ў апошняй думала, што ўпаду на падлогу замест казы.

У зыходзячым годзе пераразлік працоўных пенсій праводзіўся двойчы (у верасні і ў лістападзе), у сярэднім на 8-9% штораз. На першы погляд, гэта нямала, але ж калі ўлічваць тое, што прырост індэксу спажывецкіх коштаў складае прыкладна 5%, гэтыя змены ў пенсіях амаль непрыкметныя. На сеньняшні дзень сярэдняя пенсія складае 345,3 тыс. рублёў. Сярэдні пенсіянер аддае 150 тыс. рублёў на аплату камунальных паслуг, каля 50 тыс. рублёў – на лекі. У выніку застаецца толькі 145 тыс. рублёў на тое, каб мала-мальскі забяспечваць сябе. Вось што гавораць самі пенсіянеры: