Не сакрэт, что Інтэрнэт сёння набывае ўсеагульную папулярнасць і становіцца не проста сродкам здабывання інфармацыі, а неабходнасцю ва ўсіх сферах жыцця. Для кагосьці гэта гульня, у якую, нагуляўшыся, ужо больш не хочацца забаўляцца. А хтосьці пачынае быць залежным і не ўяўляе жыцця без яго. Людзі знаёмяцца, размаўляюць, і нават кахаць навучыліся па Інтэрнэце. Iм карыстаецца кожны дзесяты жыхар Зямлі і кожны восьмы расіянін.

Ці дабраўся Інтэрнэт да народных масаў Гродна мы паспрабавалі высвятліць ў сённяшнім апытанні: «Што для вас значыць Інтэрнэт?»

Сяргей і Эдуард: Інтэрнет для нас – жыццё . Мы можам чэрпаць з яго ўсё, што нас цікавіць і не толькі. Уся інфа, якая нам неабходна.  Карыстаемся часта, для справы і проста так – паразмаўляць с людзьмі, знаёмыми, сябрамі.
– Таксама карыстаюся, для вучобы ў асноўным. Рэфераты, курсавыя…

Анена Альбінаўна: А… з кампьютэрам? Тады разумею, пра што ідзе гаворка.. Нават не ведаю, ці магу  я авалодаць навыкамі гэтай працы, ужо пажылы чалавек… хаця, канешне, хацелася б: не жадаю  адставаць ад жыцця. Але – як атрымліваецца, не ўсё ўжо магу.
Я зусім не супраць таго, штото моладзь падоўгу сядзіць ў Інтэрнэце: калі гэта на карысць, то чаму не? Лепш, чым калі сядзяць з бутэлечкай…

Уладзімір Пракофьевіч: Інтэрнэт? Сусветнае павуценне. У мяне няма кампьютара і Інтэрнэтам я не карыстаюся. Што тычыцца моладзёвай хваробы Інтэрнэтам –  у кожнага пакалення ёсць сваі цацкі.

 Святлана Станіславаўна: Я мала разбіраюся, нічога не магу сказаць. Сын мне гаворыць, што  там проста цікава. Часам складана з  фінансамі, але… ён сядзіць, я не забараняю.

Мама Насця, сыны Жэня і Дзіма:  У першую чаргу – сродак зносін, выкарыстоўваю яго для працы… Для дзяцей муж пампуе гульні, навучальныя праграмы. У апошні раз спампавалі навучальную гульню на ангельскай мове.

 
– Мне таксама падабаецца працаваць на кампьютары!

– А мне падабаецца толькі ў «Сонніка» гуляць

Насця: Для мяне Інтэрнэт… хо-хо-хо… месца, дзе я сяджу  літаральна цэлыя суткі. Месца майго знаходжання? Я там размаўляю, шукаю патрэбную мне інфармацыю… нажаль, пакуль яшчэ не вучуся дыстанцыённа, але з наступнага года збіраюся.

 
Пабегаўшы цэлую гадзіну за кудысьці спяшаючымся народам мы болей не змаглі цярпець і да ўсяго вышэйсказанага дадалі:
Алінка (на здымку ў пачатку апатыння): Дыстанцыйна працую і вучуся, кантактую з сябрамі і працадаўцамі. Калі-некалі купляю кнігі ў інтэрнэт-крамах.

Кацярынка (гэта я! Якая разам з Алінкай усіх і апытвала): Без Інтэрнэту, як без рук! Не магу без яго жыць, бо … проста не магу. Нядаўна (калі ён раптам «памёр» у маёй кватэры), адчула ўсе цяжкасці безінтэрнэтнага жыцця, і з той пары нумар кампьютэрнага майстра запісаны ў даведніку каля 103. Думаю, гэтым ўсё сказана.

У адным жа нашыя словы супадаюць на 100%: «Iнтэрнэт- гэта наш стыль жыцця і, канешне, наш «Твой Стыль».
Выгаварыліся і ажно ад сэрца адлягло. Вось так. Дзякуем за ўвагу!