ДЗЕНЬ НЕЗАЛЕЖНАСЦІ – ЗВЫЧАЙНАЕ СВЯТА ЦІ НЕ?

Піша Наталія ВАЖЭЙКА и Паліна ТРЫПУЦЬ

26.06.2008 г.

3 ліпеня Беларусь будзе святкаваць Дзень Незалежнасці. Цікава, як ставяцца гарадзенцы да гэтага мерапрыемства і як яны будуць яго адзначаць, і ці ведаюць яны пра яго ўвогуле...

Сяргей: Канешна, святкую!Я не беларус, сам з Расіі, але адзначаю беларускае свята, таму што сам жыву ў Беларусі. І ведаю, што за яно «3 ліпеня».

Міша і Яна: Што для нас Дзень Незалежнасці? Нават не ведаем... Ну, гэта агульнае свята, як будзем святкаваць яшчэ не ведаем, потым паглядзім.

Іван: Станоўча. Святкую, як і ўсе мерапрыемствы, у горадзе з сябрамі, для мяне гэта яшчэ адна нагода сустрэцца. Калі не памыляюся, свята незалежнасци – 3 ліпеня.

Яўген: Як стаўлюся? Не ведаю...Увогуле, дрэнна! «Мутнае» свята... (смяецца). Ведаю, што святкуецца летам, так ці не? Добра толькі тое, што можна выпіць алкагольных напояў!

Пятро і Павел: Добрае свята! Ведаем, што звязана з Другой Сусветнай вайной. Мы – эрудзіраваныя хлопцы (дзіўна пераглядваюцца).3 ліпеня ідзем ў горад, п’ем.Я – член БРСМ, увогуле!І ДАРУ кветкі ветэранам (паказвае білет БРСМ!).

Вера Серафімаўна і Нэллі Серафімаўна: Ды ніяк не святкуем. Мы прыезжыя з Расіі, тут у гасцях. Да і на радзіме не святкуем, але ў нас яго пераіменавалі, калі не памыляюся, у Дзень Расіі, бо няма ад каго быць незалежнымі... А Беларусь ад каго незалежна? Ад Расіі?
У прошлым годзе мы прыязжалі ў Беларусь, калі праходзілі рэгістрацыю, нам казалі, што мы іншаземцы і прадаем газ вам па вялікай цане!!!А мы лічым, што Беларусь і Расія – гэта адзіная агульная прастора.

Наталля Філіпаўна: Стаўлюся з любоўю. Толькі так трэба адказваць на гэтае пытанне! І ніяк інакш! Я артыстка з вакальнага ансамбля «Гармонія», у Дзень незалежнасці мы выступаем на адной з гродзенских плошчаў.