Металісты – маладзёжная субкультура, якая аддае перавагу музыцы ў стыле хэві-метал. Упершыню яна заявіла аб сабе ў 80-х, але застаецца папулярнай да гэтага часу. Гэтая субкультура   шырока распаўсюджана ў Паўночнай Еўропе, Паўночнай Амерыцы і ў Японіі (даведка).

Субкультура металістаў, у адрозненне ад іншых субкультур, не мае ярка выяўленай ідэалогіі, яна засяроджана  вакол музыкі. Аднак у тэкстах многіх метал-груп можна пабачыць прапаганду незалежнасці, упэўненасці ў сабе, самастойнасці.

Большасць субкультур маюць свае характэрныя распазнавальныя асаблівасці. Металісты не выключэнне. Іх моду можна апісаць так:

•          Доўгія валасы ў хлопцаў

•          Чорныя футболкі з адлюстраваннем любімых метал-груп

•          Скураныя бранзалеты з шыпамі

•          Праклёпаныя рамяні

•          Скураныя курткі «касухі»

•          Сярод абутку металісты выбіраюць «сцілы», «грындэрсы», «камелоты», або звычайныя высокія боты

•         Скураныя пальчаткі з адрэзанымі «пальцамі», вельмі часта з заклёпкамі, або шыпамі. Ёсць мноства напрамкаў стылю метал. Гэта альтэрнатыўны метал, авангардны метал, блэк-метал, глэм-метал, дарк-метал, дэт-метал, дум-метал, готык-метал, пауэр-метал, і інш.

Найбольш часта у Гродна металістаў можна сустрэць за ПК «Тэкстыльшчыкаў», дзе летнімі вечарамі іх збіраецца вельмі многа.

Маргарыта ОРСІК

Фота: www.Lastfm.ru