Цікава і бясспрэчна, што кожны чалавек паводзіць сябе па-рознаму ва ўмовах павышанай тэмпературы навакольнага асяроддзя. Нягледзячы на чэрвеньскую спякоту, большасць знакаў задыяку актыўна прыстасоўваецца да яе.

Рыбы акупавалі гарадскія фантаны. Прадбачлівы Рак выходзіць на вуліцу толькі пасля заходу сонца. Практычны Цялец заўсёды носіць за сабою цёплы кажух. Дзеўчыны ў купальніках, утульна ўладкаваўшыяся пад вокнамі вашай шматпавярховай кватэры, хутчэй за ўсё Стральцы. А калі ў аўтобусе ніводнае акенца не адчыняецца, бясспрэчна – за рулём Скарпіён. І яшчэ, збіраючыся на працу і прыкідваючы, што апрануць, ніколі не арыентуйцеся на першага спатканага. Памятайце, што Авен носіць шубу на злосць. А вось Дзеву ўлетку цяжка пазнаць. Затое па восені яе вызначае бледна-зялёны колер незагарэлай скуры. Басаногі і амаль неапрануты дзівак – гэта Вадалей. Шалі ніколі не могуць акрэсліцца з выбарам адзежы, таму носяць сярэдні варыянт, які, ўрэшце не ратуе, ні ад спякоты, ні ад сцюжы. У цені каштанаў не надта гаманіце, бо патурбуеце цяжкі разумовы працэс Льва. Блізнятам наогул ніколі ні горача, ні халадно. Яны там дзе кіпіць жыццё. І адзін толькі Казярог не можа прыняць спёку, як даннасць, і ўпарта працягвае гандляваць зімовымі шапкамі.