Куды падацца ў нашым горадзе? Калі вы ўжо ведаеце адказ – добрай забавы! Калі ж сумняваецеся  альбо хочаце правесці час больш разнастайна – глядзіце А!Фішку!

Для аматараў кіно (7-9 сакавіка):

Кінатэатр «Кастрычнік» запрашае на прагляд фільмаў: Зорная зала – «Вока» (містычны трылер, ЗША); у зале Ілюзіён глядзіце фантастычны баявік «Мы з будучыні» (Расія). 8 сакавіка  дадаткова дзецям прапануецца мультфільм «Рататуй» (10.00), а з нагоды Міжнароднага дня жанчын дэманструецца фільм «Паліана» (12.30).  Тэл.: 53-19-42.

У кінатэатры «Космас» глядзіце: «Я – легенда» (футурыстычны баявік). Тэл.:74-60-13.  

Кінатэатр «Усход» прапануе да прагляду: У вялікай зале  – «Іронія лёсу: працяг» (Расія), 9 сакавіка дзецям прапануецца таксама фільм «Дзеці без нагляду» .  У малой зале глядзіце баявік  «Прывідны гоншчык» і камедыю для дарослых «Суперперцы» . Тэл.: 75-59-34.

Для тэатралаў:

Драмтэатр: 7 сакавіка прапануе камедыю   «Занадта жанаты таксіст»; 9 сакавіка –  камедыя «Курыца». Пачатак спектакляў а 19 гадзіне.

Увага! У сувязі з рамонтам тэатра магчымы змены ў рэпертуары, спектаклі часова праводзяцца ў Малой зале, з-за абмежаванай колькасці месцаў білетаў можа не хапіць. Таму паспяшайцеся! Тэл. для даведак: 72-34-27.

Тэатр лялек:  Самыя маленькія гледачы 9 сакавіка ўбачаць казку  «Прыгажуня і пачвара» (12.00, 14.00). 11 – 15 сакавіка – «Чароўны пярсцёнак». Тэл.: 74-59-30, 74-59-27.

Для прыхільнікаў мастацтва дзейнічаюць выставы:

У гісторыка-археалагічным музеі з 6 сакавіка прапануецца да прагляду фотавыстава Джона Куістадтэра (ЗША) – погляд іншаземца на Беларусь.

Галерэя «У майстра» запрашае на выставу Мікалая Скляра (разьба па дрэве): «Трохкроп’е і ангелы».

У музеі гісторыі «Гарадніца» – выстава Вольгі Чамбаровіч «Папяровыя фантазіі» (да 10 красавіка).

У галерэі Тызенгауза  –  персанальная выстава Г.Піцко (нацюрморты). Увага!  На выставе можна набыць падарункі-нацюрморты да 8 сакавіка! Цэны вас прыемна ўразяць.

АНОНС:

10 сакавіка завяршаецца фестываль «Адзіны свет – 2008». Прапануюцца наступныя фільмы: 18.30 – «Калок №12» – Косава 1999. 19.45 – «Чалавечыя парэшткі» – асабістае жыццё Гітлера, Мусаліні, Сталіна, Франка, Мао Цзэдуна.

13 сакавіка ў межах праекта Live Music адбудзецца канцэрт гурта «Некаторая Адсутнасць Гузікаў». Пачатак а 19 гадзіне ў  ліцэі №1 (БЛК, 21). Квіткі можна набыць у касе філармоніі.

14 сакавіка Гарадскі дом культуры запрашае аматараў беларускай песні і музыкі на юбілейны вечар з нагоды 15-годдзя народнага ансамбля «Гасцінец».

15 сакавіка – творчы вечар актрысы Тэатра лялек Галіны Закрэўскай. Пачатак – у 17.00.

27 сакавіка варта наведаць унікальны праект Ільі Авярбуха «Ледніковы перыяд». У лядовым шоу прымуць удзел зоркі фігурнага катання і сусветныя чэмпіёны А.Ягудзін, І.Лабачова, М.Пятрова, П.Ванагас і інш. Замовіць білеты можна па тэлефонах: 51-30-58, 75-32-48, GSM – 739-78-59.

Падрыхтавалі
Вольга ЖУК і Сняжана АСАБІНА