У Гродна нарэшце прыйшло сапраўднае лета, а з ім і новыя магчымасці правесці свой вольны час. Тым больш, што з 13 па 15 чэрвеня ў Гродна чарговы раз ладзіцца фестываль нацыянальных культур. Праграму мерапрыемства Вы ўбачыце ў «А!Фішцы». Акрамя гэтага, тут ёсць інфармацыя для аматараў кіно, для тэатралаў, для прыхільнікаў мастацтва.

Для аматараў кіно

У кінатэатры «Кастрычнік з 9.06 па 19.06  у Зорнай зале глядзіце фільм «Індыяна Джонс і Каралеўства крыштальнага чэрапа» (ЗША, баявік). У зале «Ілюзіён» з 10.06 па 16.06 – «Яшчэ адна з роду Балейн» (ЗША, гістарычная меладрама), з 17.06 – «У пралёце» (ЗША, меладраматычная камедыя).

У межах фестываля нацыянальных культур да Тыдня нацыянальнага кіно ў кінатэатры «Кастрычнік» вы яшчэ зможаце паглядзець наступныя фільмы: 13.06 – «Чужыя гульні» (Арменія), 14.06 – «Новыя амазонкі» (Польшча). Пачатак у 16.30 у зале «Ілюзіён».

15.06 – Дзень анімацыйнага кіно. Паказ мультфільмаў Кіеўскай кінастудыі. Пачатак у 16.30 у Зорнай зале. Тэл.: 53-19-42.

У кінатэатры «Космас»  з 13.06 па 19.06  глядзіце  «Хронікі Нарніі: прынц Каспіян». (ЗША, фэнтэзі). Тэл.: 74-60-13.

Да свята нацыянальнага кіно: 13.06 – «Шкатулка з крэпасці» (дзень кіно краін Закаўказзя), 14.06 – «Кароткі фільм пра каханне» (Польшча), 15.06 – Дзень анімацыйнага кіно «Паказвае Беларусь». Пачатак фільмаў у 15.30. Уваход вольны.

Кінатэатр «Усход»  з 13.06 па16.06 прапануе да прагляду: у Вялікай зале – «Спіс кантактаў» (ЗША, меладраматычны трылер),  у Малой зале – «Так яна знайшла мяне». Тэл.: 75-59-34, 75-56-29.

Да свята нацыянальнага кіно: 13.06 у 18.00 – «Пакаянне» (Грузія), 14.06 у 18.00 –«Чараўнік» (Польшча), 15.06 – «Гара самацветаў» (10.00). Уваход вольны.

Для тэатралаў

 У Драмтэатры  14.06 – «Варшаўская мелодыя», 15.06 – «Надта жанаты таксіст», 17.06 – «Гэта …каханне (Курыца) ». Для дзяцей 15 чэрвеня прапануецца казка «Жылі-былі дзве лісічкі». Пачатак дарослых спектакляў  а 19 гадзіне. Тэл.: 74-56-71, 72-34-27.

У Лялечным тэатры  15.06 і 17.06 прапануецца спектакль «Трое парасят». Гастролі Дзяржынскага тэатра лялек (Расія): 13.06 – «У гасцях у лялек» (11.00), 14.06 – «Мішкіны шышкі» (12.00). Тэл.: 74-59-30, 74-59-27.

Для прыхільнікаў мастацтва

У Старым Замку 13.06 – адкрыццё выставы Валянціны Волкавай (дэкаратыўна-прыкладное мастацтва).

У Новым замку (Сенатарская зала) 14.06 у 12.00 – адкрыццё фотавыставы «Гісторыя фестываля нацыянальных культур».

Гарадская выставачная зала (вул. Ажэшкі, 38) прапануе фотавыставу «Мая Беларусь» (Мінск).

У галерэі «Тызенгауз»  прадаўжаецца выстава мастака В.Залаціліна (Навагрудак).  

У Музеі гісторыі Гарадніцы дзейнічае выстава «Падрастаючыя таленты» (дыпломныя работы выпускнікоў мастацкіх класаў СШ №31).

Галерэя «У майстра» запрашае на фотавыставу Пятроса Іонаса (Літва) «Там, дзе заўсёды цёпла».

Падрыхтавала Сняжана АСАБІНА