Не ведаеш, як правесці вольны час – глядзі нашу А!Фішку і выбірай на свой густ!

Пачнем з анонсаў
9 траўня на трасе ў раёне Кургана Славы адбудзецца Мотакросшоу. Адкрыццё мерапрыемства ў 11.30. Удзельнічаюць спартоўцы з Беларусі, Украіны, Расіі. У праграме – спартыўныя спаборніцтвы, забаўляльная праграма, конкурсы, выступленне клуба адзінаборстваў «Арыдан» і шмат чаго іншага. Прыходзьце!
9 траўня ў парку Жылібера і на плошчы Леніна – святочная праграма, прысвечаная Дню Перамогі. Пачатак а 11.00.
10 траўня – канцэрт артыстаў Гродзеснкай абласной філармоніі (к/з філармоніі). Пачатак у 17.00.
11 траўня – канцэрт Ірыны Дарафеевай у рамках акцыі «Мы-беларусы». Пачатак у 12.30 на плошчы Леніна.
17 траўня ў лялечным тэатры – канцэрт гурта «Стары Ольса». Пачатак а 19.00.
18 траўня ў Лядовым палацы – выступленне «Фабрыкі зорак». Тэл.: 56-15-51, 75-32-49.
22 траўня ў межах канцэртнага круізу «Хвалі пазітыву» Гародню наведае гурт «Крамбамбуля». Пачатак канцэрту а 19.00 у к/з філармоніі. Тэл.: 51-30-58, 56-25-48.

Чытай далей... 

У кінатэатры «Кастрычнік» з 9.05 па 15.05 у Зорнай зале глядзіце рамантычную камедыю «Аднойчы ў Вегасе» (ЗША), у зале «Ілюзіён» з 6.05 па 12.05 – «Спадары афіцэры. Выратаваць імператара» (Расія, драма). 10.05 і 11.05 у 12.30 – «Чаклун і Румба» (Расія). 11.05 – «Герб і сцяг».

 Для дзяцей: 10-11 траўня прапануецца мультфільм «Баба Ёжка» (у 10.30). Тэл. для даведак: 53-19-42.

У кінатэатры «Космас»  з 9.05 па 15.05 глядзіце  гістарычны баявік «Аляксандр. Неўская бітва» (Расія). 11 траўня ў 10.00 – мультфільм «Несцерка» (Беларусь). Тэл.:74-60-13.

Кінатэатр «Усход»  з 9.05 прапануе да прагляду: у Вялікай зале – ваенна-прыгодніцкі фільм «Чакрум і Румба» (Расія). «Мантана» (Расія). У Малой зале глядзіце фільм «Уварванне» (ЗША). 9.05 – «Свавольнікі і непаседы» (у 10.00), 11.05 – «Гара самацветаў 1» (у 10.00). Тэл.: 75-59-34, 75-56-29.

Для тэатралаў

 У Драмтэатры 10.05 – «Гэта… каханне (Курыца)», 11.05 – «Студэнтка». 15.05 – «Надта жанаты таксіст». Для дзяцей 11 траўня прапануецца казка «Аранжавы вожык» (у 12.00). Пачатак дарослых спектакляў – а 19 гадзіне. Тэл.:74-56-71, 72-34-27.

Лялечны тэатр  10.05 – «Василиса Прекрасная» (12.00), 11.05 – «Асцярожна, Нязнайка» (12.00). з 13.05 па 17.05 – «Доктар Айбаліт». Тэл.: 74-59-30, 74-59-27.

Для прыхільнікаў мастацтва

У Старым Замку – выстава «Музей праз фотааб’ектыў» (конкурс маладых фатографаў) – да 20 траўня.

У Новым замку – выстава «Падарожныя нататкі: Еўропа» (графіка, мастацкая фатаграфія) – да 31 траўня.

Гарадская выставачная зала (вул. Ажэшкі, 38) прапануе выставу Ганны Вароўскай «Пейзаж і прырода Падлясся» (Беласток).

У галерэі «Тызенгауз»  –  выстава гарадзенскіх мастакоў В. Мартынчука, В.Ільіной, А.Ізопава. С.Грыневіч і інш.

У Музеі гісторыі Гарадніцы прадаўжаецца выстава Марыны Ярэмчык «Залацістыя ўзоры» (аплікацыя саломкай).

Галерэя «У майстра» запрашае на выставу плакатаў, прысвечаных 60-годдзю Гродзенскага каледжа мастацтваў.

Музей сучаснай народнай творчасці запрашае на выставу студыі дзіцячага выяўленчага мастацтва «Скарбніца талентаў».

Падрыхтавала Сняжана АСАБІНА