ХОЧАШ БЫЦЬ DJ – ІДЗІ ВУЧЫСЯ!

Піша Дар’я КУЛІНКА

10.04.2008 г.

Гродна не падобны да іншых беларускіх гарадоў. У Віцебску, калі хтосьці пачынае танчыць румбу, то праз невялікі прамежак часу рубму танчыць увесь горад (і замест Віцебска можна ставіць назву любога іншага населенага пункта). Жыхары Гародні – індывідуялісты і не падобныя адзін да другога…

Тут выдатна спалучаюцца клубы модных сучасных і гістарычных танцаў; розныя харавыя і музычныя ансамблі; пад «адной страхой» тусуюцца прадстаўнікі розных нефармальных субкультур. А зараз у горадзе стала на адну незвучайную групу людзей больш – адчыняецца першая ў Гродна DJ-школа.

Як паведаміў адзін з выкладчыкаў, даволі вядомы ў горадзе і за яго межамі DJ Melnik, ідэя адкрыцця такой школы прыйшла ўжо даўно. Ён адзначае, што на беларускім DJ-рынку існуе сур’ёзная праблема. Моладзь, натхненая навамоднымі павевамі па тэлебачанні, сутыкаецца з поўнай немагчымасцю вывучаць DJ-рамяство і пачынае вучыцца самастойна, у абсалютнай большасці выпадкаў няправільна. А потым такія «прафесіяналы» вучаць іншых. І атрымоўваецца своеасаблівае «замкнёнае кола». Таму, гаворыць DJ Melnik, – «задача школы – якасна падаць асновы прафесіі DJ, падрыхтаваць сапраўдных прафесіяналаў і выпусціць людзей з досведам».

А людзей, якія жадаюць спасцігнуць асновы дыджеінга – нямала. На дадзены момант, ужо сабраная адна група, усяго іх плануецца адкрыць па тры на абодвух выкладчыкаў, DJ Nobel и DJ Melnik. Месячны кошт – 70 даляраў (за 10 заняткаў). Для жадаючых будут праводзіцца індывідуальныя заняткі (12 даляраў за занятак), а таксама магчымасць трэніравацца на базе школы (9 даляраў за занятак працягласцю ў 1 гадзіну 40 хвілін). Школа будзе працаваць каля двух год, таму спяшайцеся!

DJ-і гавораць, што школа – гэта толькі пачатак. Ужо ёсць новыя ідэі і планы, якія яны пакуль што трымаюць у сакрэце.

Дар’я КУЛІНКА