Еўрапейскі гуманітарны універсітэт у Вільнюсе аб’явіў прыём на новую магістэрскую праграму «Параўнальная гісторыя краінаў Паўночна-Усходняй Еўропы». Грамадзяне Беларусі запрашаюцца да ўдзелу асабліва настойліва з надта прыцягваючымі прэферэнцыямі ў навучанні.

Магістратура «Параўнальная гісторыя краінаў Паўночна-Усходняй Еўропы» з’яўляецца ўнікальным для Беларусі сумесным праектам ЕГУ і Цэнтра балтыйскіх і ўсходнебеларускіх даследаванняў каледжа Садэрторнс (Універсітэт Паўднёвага Стакгольму). Даная міждысцыплінарная праграма накіравана на атрыманне пашыраных ведаў пра геаграфічныя і культурна-гістарычныя перадумовы еўрапейскіх ідэнтычнасцяў, а таксама пра гістарычную дынаміку еўрапейскай цывілізацыі ў новы і навейшы час.

Праграма «Параўнальная гісторыя краінаў Паўночна-Усходняй Еўропы» арыентавана на спалучэнне паглыбленай прафесійнай падрыхтоўкі ў галіне праблемных пытанняў гістарычнай навукі і міждысцыплінарнага (паліталогія, культуралогія, геаграфія) падыходу з акцэнтам на параўнальнай гісторыі краінаў Паўночна-Усходняй Еўропы (перадусім, Беларусі і Балтыйскіх краінаў), іх агульнай гістарычнай і культурнай спадчыны. Гэта абумоўлівае магчымасць прымянення атрыманых ведаў як у навукова-даследчай дзейнасці, так і ў экспертна-аналітычнай працы.

Выкладчыкамі праграмы з’яўляюцца прызнаныя спецыялісты з Беларусі, Літвы, іншых краінаў Усходняй Еўропы, ЗША, Швецыі, якія прапаноўваюць арыгінальныя курсы, заснаваныя на ўласных даследаваннях. Падрабязней з праграмай і ўмовамі залічэння можна пазнаёміцца на сайце ЕГУ:

http://www.ehu.lt/studies/master/programs/fields/0004469/ За дадатковай інфармацыяй звяртацца па электронным адрасе: Гэты e-mail абаронены ад спам-ботаў. Для яго прагляду ў Вашым браузеры павінна быць уключана падтрымка Java-script   Апошні тэрмін падачы заяваў – 8 верасня 2008 года.