Маладзёвае Грамадзкае аб’яднаньне “Гісторыка” абвяшчае спабор праектаў “Легенда для помніка”.

Мэта спабору – прыцягненьне ўвагі грамадзкасьці да гістарычных аб’ектаў, прыцягненьне моладзі да вырашэньня праблемы аховы помнікаў і захаваньня гістарычнай спадчыны.

Да ўдзелу запрашаюцца навучэнцы сярэдніх навучальных установаў (школ, пачынаючы з 6 класа, ліцэяў, гімназій, а таксама каледжаў, ПТВ, тэхнікумаў) і студэнты малодшых курсаў вышэйшых навучальных установаў, не старэйшыя за 21 год.

Прынцыпы падрыхтоўкі працы:

- Праца мусіць быць калектыўнай (падрыхтаваная групай ад 3 да 6 чалавек).

- Праца мусіць мець творчы характар – яна не можа быць перапісаная з чужых кніг, артыкулаў, розных публікацый.

- Працу пажадана пісаць па-беларуску. Тэксты крыніц можна падаваць на мове арыгіналу.

- Спасылкі на скарыстаныя крыніцы, на першакрыніцу цытаванага тэксту - абавязковыя.

У працы можа быць кіраўнік – выкладчык, настаўнік, выхавальнік, бібліятэкар, старэйшы родзіч, сусед, любы чалавек. Кіраўнік можа дапамагаць у пошуку матэрыялаў і раскрыцці тэмы працы, ажыццяўляць метадычнае кіраванне.

Апошні тэрмін адсылкі прац – 15 сьнежня.

З пытаньнямі зьвяртайцеся да сябраў “Гісторыкі”:+375 29 572 28 38 (Аляксей),

+375 29 504 31 14 (Тацьцяна), e-mail: Гэты e-mail абаронены ад спам-ботаў. Для яго прагляду ў Вашым браузеры павінна быць уключана падтрымка Java-script .

Больш падрабязную інфармацыю пра ўмовы ўдзелу ў спаборы можна знайсьці на вэб-пляцоўцы http://historyka.org  .
Кроніка грамадзкага жыцьця Гарадзеншчыны