Пра гэта напомніў выбітны беларускі дудар Тодар Кашкурэвіч, які на днях наведаў Наваградак.Усе жадаючыя паслухаць сапраўдную беларускую сярэднявечную музыку сабраліся ў краязнаўчым музеі, сустрэча была арганізавана з дапамогай Таварыства Беларускай Школы (ТБШ).

Спадар Тодар скончыў акадэмію мастацтваў, але ж справай свайго сэрца  лічыць музыку.  Можа таму і музычныя інструменты ён робіць выключна сваімі рукамі. А гэта даволі крапатлівая праца, якая патрабуе  бездакорнага ўмення і ведання сваёй справы. Спадар Тодар парушыў усе стэрэатыпы і ўяўленні пра дуду. Большасць людзей уяуляюць яе маленькай  прадаўгаватай  трубачкай, а дудар паказаў нам сапраўдную даволі вялікую беларускую дуду. Яна складаецца з трох бурдонаў, вялікага скуранога мяшка і маленькай трубачкі.

Тодар і яго каллегі ездзяць па вёсках і шукаюць, выпытваюць  у месцічкоўцаў  пра тутэйшых дудароў, запісваюць песні.  Тодар цудоуна іграў як шляхецкую музыку, так і простую, сялянскую, чым уразіў усіх слухачоў.

Кася ДЗЕМЯНЧУК