Экспазіцыя прадстаўляе розныя тыпы рыцарскага касцюму “класічнага”перыяду: “германскі”(ландскнехтскі), “італьянскі”, французкі – што мелі распаўсюджанне ў 14-16 ст.– як у Заходняй і Цэнтральнай Еўропе, так і на тэрыторыі ВКЛ. Шырока прадстаўлены розныя тыпы шлемаў: нямецкія “sturmhaube”, французкія “салады”, “рускія” шышакі. Экспазіцыя ўзнаўляе не толькі эпоху сярэднявечча, але і пэўныя элементы рыштунку вершніка 17 ст.– напрыклад, касцюм “лятучага” гусара Рэчы Паспалітай часоў Смуты...Чаканы (баявыя сякеры), турнірныя дзіды, булавы і шастапёры прыцягнуць увагу аматараў гераічнай рамантыкі. Некалькі парушае цэласнасць кампазіцыі адна з прылад інквізіцыі (“свіная пыса”) – якую стваральнікі выставы палічылі мэтазгодным прадставіць.

Выстава не вызывае пачуцця “штучнасці” і “муляжнасці”. Усе творы майстра выкананы якасна як у мастацкім так і ў гістарычным плане.

Экспазіцыя будзе працаваць на працягу студзеня.