Яшчэ вясной гарадзенскія ўлады прадалі з аўкцыёну будынак па вул. Калючынская 23. Будынак павінен быць у хуткім часе зруйнаваны, аднак яго жыхары не маюць нават самай прыблізнай інфармацыі аб тым, куды і калі іх павінны перасяліць.
09 - 10 кастрычніка 2008 Беларускае добраахвотнае таварыства аховы помнікаў гісторыі і культуры і тэлестудыя “Брэнтстар” наведалі Ваўкавыск і Гродна ў рамках здымак дакументальнага фільму “Ад Крэва разам назаўжды”, які прысвечаны польскай этнічнай меншасці ў Беларусі.
Сусветнавядомая кампанія Брытыш Амэрыкан Табакко прымае ўдзел у фінансаванні куплі высокахуткаснай цыгарэтнай лініі для гарадзенскай тытунёвай фабрыкі Нёман. Кошт абсталявання складае 4 мільёны 900 тысяч эўра.
Сёння адбылося адкрыццё музея гісторыі пажарнай службы, які размясціўся ў гістарычным будынку каланчы, пабудаванай у Гродна для назірання за бяспекай пасля страшэннага пажара 1885 года.
У СУБОТУ ГАРАДЗЕНЦЫ НАПІСАЛІ АГУЛЬНАНАЦЫЯНАЛЬНУЮ БЕЛАРУСКУЮ ДЫКТОЎКУ (аўдыё)
Піша Надзея Завіноўская
22.03.2008 г.
Амаль 200 гарадзенцаў прынялі ўдзел у напісанні агульнанацыянальнай беларускай дыктоўкі, прымеркаванай да 90-годдзя Беларускай Народнай Рэспублікі.
Тэкст дыктоўкі чыталі вядомыя гарадзенцы: паэтка Данута Бічэль, актор і бард Віктар Шалкевіч, настаўніца, заснавальніца ТБШ Тамара Талерчык, кіраўнічка хора «Бацькаўшчына» Вера Кунцэвіч.
ТБМ прапанавала беларусам тэкст «Прадмовы да «Дудкі беларускай» Францішка Багушэвіча. Але Віктар Шалкевіч узяў «Карціны з берагоў Нёмана» Вінцэнта Каратынскага.
«Колькі год можна адно і тое ж пісаць! Гэты тэкст для дыктоўкі нецікавы. Там няма чаго чытаць і слухаць. Тэкст для дыктоўкі павінен быць складаным, са мноствам знакаў прыпынку».
Арганізатары падрыхттавалі падарункі для самага маладога і старэйшага ўдзельнікаў дыктоўкі. Астатнія пакінулі на памяць асадку ўдзельніка.
Мэтай дыктоўкі была не праверка ведаў беларускай мовы. Гэта у першую чаргу акцыя салідарнасці беларусаў па ўсім свеце. Але каля паловы ўдзельнікаў пажадаліпаўдзельнічаць у конкурсе на найлепшае валоданне моваю і аддалі свае дыктоўкі спецыяльнай камісіі.
Вынікі конкурса будуць вядомыя ў пачатку наступнага тыдня. Арганізатары абяцаюць вярнуць кожнаму ўдзельніку яго тэкст.
Надзея Завіноўская
Каментарыi
#3daroha 2008-03-2622:38:47надзейка, дзякуй за цудоўны рэпартаж (8
#2MShmel 2008-03-2223:28:54аўтарскія знакі па правілах дыктовак ня могуць ствараць цяжкасьці, бо на тое яны й аўтарскія, каб аб іх папярэджвалі, альбо іх адсутнасьць не лічылі памылкай
#1агаф я 2008-03-2221:53:02Што за дзіва? Чым Шалкевічу не спадабалася "Прадмова"? Што значыць "Колькі можна адно і тое ж пісаць?", калі гэта была першая агульнанацыянальная дыктоўка? Раю спадару Шалкевічу звярнуць увагу на знакі прыпынку ў "Прадмове"! Мноства аўтарскіх знакаў, якія ствараюць несумніўныя цяжкасці! Ну, а калі Багушэвіча "няма чаго чытаць і слухаць", то … P.S. Вялікі дзякуй ТБМ за арганізацыю такого СВЯТА і за запрашэнне Дануты Бічэль на першую гадзіну дыктоўкі, я атрымала асалоду!
Якія магчымасці чалавечага голасу? Пра акапэльны джаз, рок і беларускіх музыкаў ў размове з мастацкім кіраўніком акапэльнага гурта "Камерата" Ігарам Мельнікавам.
(06:15 хв., 2,14 МБ) Спампаваць
Актуальныя дробязі Гародні і свету. Гэтым разам вы даведаецеся, адкуль пайшлі джынсы і што збіраўся рабіць з джынсавай тканіны Леві Штраус. А таксама наколькі рэальныя джынсы “Made in Belarus”? (03:37 хв., 1,25 MБ) Спампаваць
Каханне – Божы провід ці карпатлівая праца абодвух? Гісторыя нараджэння сям’і грэка-каталіцкага святара на “Тваім Стылі”. (12:58 хв., 4, 45 МБ) Спампаваць
Якім правапісам лепш кіравацца – класічнай “тарашкевіцай” ці сучаснай “наркамаўкай”? Якому з гэтых правапісаў аддаюць перавагу гарадзенцы? Пра гэта слухайце на “Тваім Стылі”. (10:33 хв., 3,62 МБ) Спампаваць
Якім чынам супольная справа можа аб’яднаць двух людзей? Што варта лічыць сапраўдным каханнем? Пра гэта і многае іншае слухайце на “Тваім Стылі” з аповядаў Алеся Пятровіча і Людмілы Пятроўны Госцевых (11:40 хв., 4,00 МБ) Спампаваць
Каментарыi
2008-03-2622:38:47 надзейка, дзякуй за цудоўны рэпартаж (8
2008-03-2223:28:54 аўтарскія знакі па правілах дыктовак ня могуць ствараць цяжкасьці, бо на тое яны й аўтарскія, каб аб іх папярэджвалі, альбо іх адсутнасьць не лічылі памылкай
2008-03-2221:53:02 Што за дзіва? Чым Шалкевічу не спадабалася "Прадмова"? Што значыць "Колькі можна адно і тое ж пісаць?", калі гэта была першая агульнанацыянальная дыктоўка? Раю спадару Шалкевічу звярнуць увагу на знакі прыпынку ў "Прадмове"! Мноства аўтарскіх знакаў, якія ствараюць несумніўныя цяжкасці! Ну, а калі Багушэвіча "няма чаго чытаць і слухаць", то … P.S. Вялікі дзякуй ТБМ за арганізацыю такого СВЯТА і за запрашэнне Дануты Бічэль на першую гадзіну дыктоўкі, я атрымала асалоду!