Уначы ў гарадзенскім Доме Грамадзянскіх Абрадаў на Бульвары Ленінскага Камсамолу быў затрыманы 25-гадовы мужчына, які спрабаваў абрабаваць гэтую ўстанову.
Некалькі сотняў асобнікаў брашуры “Што Еўрапейскі Саюз можа даць Беларусі” распаўсюдзілі ўчора актывісты Мастоўскага Руху “За Свабоду” і "Маладога Фронту".
Для большасці гродзенскіх студэнтаў гэта нагода для вясёлага святкавання. Між тым, гісторыя гэтага дня трагічная, а дакладная назва – Дзень міжнароднай салідарнасці студэнтаў.
Палац у Свяцку могуць прадаць за 35 тысяч беларускіх рублёў.
Гэта адбудзецца ў тым выпадку, калі архітэктурны помнік аднясуць да будынкаў, якія не выкарыстоўваюцца па прызначэнню.
Апошнім часам палац пачаў разбурацца: адвальваецца тынкоўка, расцярушваюцца сцены. Грошай на яго рэстаўрацыю пакуль няма, таму палац вырашылі выставіць на аўкцыён. Першапачатковая цана ў 1,5 млрд рублёў не задаволіла пакупнікоў, якія вырашылі, што для сучаснага стану палацу гэтая сума завялікая.
Па гэтай прычыне зараз высвятленнем рэальнага кошту палаца займаецца адмысловая дзяржаўная камісія.
Каментуе гісторык-краязнаўца Янка Лялевіч: “Думаю, што палац варты першапачатковай цаны ў 1,5 млрд рублёў. Сума, насамрэч, не вельмі вялікая. Прыкладна столькі ж сродкаў адводзіцца на будаўніцтва аднаго пад’езда пяціпавярховага панэльнага дома”.
Са спадаром Лялевічам згодзен яшчэ адзін гарадзенскі гісторык Андрэй Вашкевіч: “На маю думку, гэты палац можа каштаваць нават болей, чым 1,5 млрд рублёў. Разам з тым, думаю, нічога страшнага не здарыцца, калі палац прададуць за адносна невялікую суму, няхай толькі адновяць яго належным чынам”.
Пераможцам гродзенскага фартэпіяннага конкурсу імя Шапэна стала самая маладая яго ўдзельніца з Мінску. Рэпартаж Каці Расюкевіч (04:08 хв., 1, 41 МБ) Спампаваць
Чым і дзе харчуюцца гарадзенскія студэнты? Як прымалі галандскія дзеці “Неверагодны ілюзіён” Гродзенскага тэатра лялек? Пра што кніга “Цень Гобліна” маскоўскага пісьменніка беларускага паходжання? Слухайце чарговы выпуск “Тыдзень у “Тваім Стылі” (13:42 хв., 4,70 MБ) Спампаваць
У Гродна створана грамадскае аб’яднанне “Гродзенскі дзіцячы хоспіс”. Хто працуе ў хоспісе, якім чынам можна дапамагчы невылечна хворым дзецям і іх сем’ям – у размове са старшынёй аб’яднання Вольгай Шульгой. (03:10 хв., 1, 09 МБ) Спампаваць
Пра што выпуск альманаха “Горад Святога Губерта”, у чым сутнасць рэканструкцыі па-гарадзенску і пра што спяваў Ігар Варашкевіч у Гродна – слухайце ў спецрэпартажы “Твайго Стылю” з Дзён Святога Губерта (11:50 хв., 4, 06 МБ) Спампаваць
Камітэт прыродных рэсурсаў прызнаў парушэнні заканадаўства гродзенскімі камунальшчыкамі; хто спявае на сцэне, а хто пад ёю; наваселле ў гродзенскім звярынцы – слухайце чарговы “Тыдзень у “Тваім стылі” (10:40 хв., 3, 66 МБ) Спампаваць
Каму патрэбны рок-фэст “Тры шурупы”, хто найбольш спадабаўся слухачам на сёлетнім фэсце, чым былі задаволеныя, а чым - не яго ўдзельнікі? Рэпартаж з чарговага рок-фэсту “Тры шурупы”. (03:46 хв., 1,29 МБ) Спампаваць
Пра беларускія традыцыі ўшанавання памяці продкаў на Дзяды, пра інтэлектуальных “pARTisanаў” у Гародні, вынікі першага ў спартыўнай гісторыі горада футбольнага дэрбі ды іншае. (08:52 хв., 3,04 MБ) Спампаваць
