Вядомы гарадзенскі мастак  Зміцер Іваноўскі ўпершыню за апошнія  3 гады ладзіць выставу ў Гародні.

На ей будзе прадстаўлена каля 45 жывапісных работ. Сярод іх выявы Гародні былой і цяперашняй, партрэты Стэфана Баторыя, Давыда Гарадзенскага, нацюрморты і пейзажы.

“Я не зусім задаволены экспазіцыяй,  гэта не самыя лепшыя мае палотны. Але “іншыя” яны не возьмуць,” – кажа мастак.

Урачыстае адкрыцце выставы запланавана на 16 гадзін 18 сакавіка ў філіяле бібліятэкі імя Карскага.

Экспазіцыя будзе знаходзіцца ў чытальнай залі мастацкага філіяла бібліятэкі імя Карскага напрацягу трох месяцаў і некалькі разоў часткова зменіцца.

Надзея Завіноўская