2 жніўня завершаны Гродзенскі адборачны тур футбольнага чэмпіянату дваровых каманд “Забей!”

Па выніках суботняй гульні ў рэспубліканскі фінал выйшла аматарская каманда “NS-12”.

У першым туры, які ладзіўся ў Гродна 12 ліпеня, лепшай стала каманда “Кляцкова”. Гэтыя каманды прадставяць наш горад у фінале рэспубліканскага футбольнага чэмпіяната дваровых каманд, які пройде ў верасні-пачатку кастрычніка.

Папярэднія два гады спаборніцтвы дваровых футбольных каманд ладзіліся толькі ў Мінску. Сёлета далучыліся Гродна і Гомель. Арганізатары чэмпіяната спадзяюцца, што ў 2009 годзе да спаборніцтваў далучацца астатнія беларускія рэгіёны.

Кася КРОТ