Сёння падчас першага  гарадзенскага рэгіянальнага студэнцкага  форуму маладых PR-спецыялістаў "Prообраз-2008", які праходзіць 12-13-га сакавіка ў Гродзенскім дзяржаўным універсітэце імя Янкі Купалы, былі забаронены майстар - класы.

Былі запланаваныя два майстар-класы: "Гераінавы піяр, альбо прасоўванне ў сацыяльных сетках інтэрнэта", які збіраўся праводзіць Юры Заяц з http://egrodno.com/ і Сяргей Чабоцька з фірмы "Сайтадром"  - "Прасоўванне і-нэт праектаў у рэгіёне".

Як паведамілі арганізатары мерапрыемства у неафіцыйнай размове майстар-класы  былі забаронены прарэктарам Гродзенскага дзяржаўнага унірверсітэта па навучальнай і выхаваўчай працы і сацыяльным пытанням Святланай Агіевец. Яна адмовілася даваць каментары на гэты конт.

Правядзенне гэтых майстар-класаў было забаронена яшчэ учора , аднак даведаліся выступоўцы пра гэта толькі сёння, як прыйшлі іх праводзіць.

І Юры Заяц і Сяргей Чабоцька адмовіліся каментаваць дадзеную забарону. Сяргей Чабоцька паведаміў, што дакладныя прычыны забароны яму не вядомыя, хутчэй за ўсё гэта звязана  з тым, што ён мае дачыненне да блога http://s13.ru , які не падабаецца ўладам гораду.

Юры Заяц правёў свой майстар-клас неафіцыйна ў адной з гарадзенскіх кавярняў. А Сяргей Чабоцька вырашыў не праводзіць свой майстар-клас. 

Сяргей Апановіч