З 15 траўня ўзмацняецца кантроль за перамяшчэннем праз мяжу тавараў для уласнага карыстання. Падставай  для такога рашэння мытнікі называюць «вялікія партыі» тавараў, якія грамадзяне правозяць быццам для сябе, а на самой справе – для незаконнай прадпрымальніцкай дзейнасці.

Як паведаміла ТС даставерная крыніца са службы асабістай бяспекі мытні,  гэта не самы лепшы накірунак барацьбы за айчыннага вытворцу. Па-першае, мытнік атрымлівае права ў кожным канкрэтным выпадку «прымаць рашэнне» колькі кашуляў, бялізны і памперсаў можа правесці грамадзянін РБ з-за мяжы (зыходзячы са склада яго сям’і і іншых фактараў). Па-другое, наколькі «прынятае рашэнне» будзе залежыць ад аб’ектыўных фактараў, а наколькі ад суб’ектыўных сімпатый?...

Афіцыйныя СМІ сёння публікуюць спісы, колькі і чаго можна правозіць праз мяжу ў адпаведнасці з тым, колькі раз на месяц ці тыдзень, вы будзеце туды-сюды бадзяцца. Мы таксама прапануем гэтую дваведку. Але галоўнае тое, што новыя правілы перамяшчэння тавараў праз мяжу знаходзяцца ў некаторай супярэчнасці з Указам Прэзідэнта РБ №503 і таму ўводзяцца прыкладна на два пробных месяцы. Здаецца мне, калі «праглыне» беларус чарговыя абмежаванні – застануцца правілы, калі не – тады атрымаюць мытнікі па шапцы за самадзейнасць. Так ці не – пакажа час, а зараз інфармацыя да роздуму, прабачце, да кайстры.

Паспяховых вам падарожжаў, прыемных пакупак і сумленных мытнікаў.

Лёва ЛЕОНТ