Адначасова адбылося ўшанаванне памяці кіраўніка паўстанскага атрада Міхала Валовіча.

Да гэтага часу невядома, дзе знаходзіцца магіла Валовіча. Існуе дзве версіі. Згодна першай, пасля пакарання паўстанцы скралі цела свайго кіраўніка і пахавалі яго на могілках у Парэччы. Паводле другой версіі, маці выкупіла цела сына і пахавала побач з уніяцкай царквой у Парэччы, якую збудавалі Валовічы.

Слонімскі скульптар Лявон Богдан хоча стварыць помнік Міхалу Валовічу. Усталяваць помнік плануюць паміж парэцкімі могілкамі і ўніяцкай царквой. Аднак пакуль дазволу ўладаў на гэта няма.

Па загаду губернатара Мураўёва-вешальніка Міхал Валовіч быў павешаны. Яму, як і Каліноўскаму, было 26 год.

Інга Сакута