Яшчэ вясной гарадзенскія ўлады прадалі з аўкцыёну будынак па вул. Калючынская 23. Будынак павінен быць у хуткім часе зруйнаваны, аднак яго жыхары не маюць нават самай прыблізнай інфармацыі аб тым, куды і калі іх павінны перасяліць.
09 - 10 кастрычніка 2008 Беларускае добраахвотнае таварыства аховы помнікаў гісторыі і культуры і тэлестудыя “Брэнтстар” наведалі Ваўкавыск і Гродна ў рамках здымак дакументальнага фільму “Ад Крэва разам назаўжды”, які прысвечаны польскай этнічнай меншасці ў Беларусі.
Сусветнавядомая кампанія Брытыш Амэрыкан Табакко прымае ўдзел у фінансаванні куплі высокахуткаснай цыгарэтнай лініі для гарадзенскай тытунёвай фабрыкі Нёман. Кошт абсталявання складае 4 мільёны 900 тысяч эўра.
Сёння адбылося адкрыццё музея гісторыі пажарнай службы, які размясціўся ў гістарычным будынку каланчы, пабудаванай у Гродна для назірання за бяспекай пасля страшэннага пажара 1885 года.
У ГАРОДНІ СТАРТАВАЎ НЯМЕЦКА-БЕЛАРУСКІ ПРАЕКТ “ШКОЛЫ: ПАРТНЁРСТВА БУДУЧЫНІ”.
Піша Кася Крот
15.04.2008 г.
Праект распачаўся канцэртам групы электроннай музыкі DYKO, удзельнікі якой правядуць майстар-клас для гарадзенскіх студэнтаў – навучаць іх ствараць і запісваць электронную музыку. У гэты ж час пачне прымаць наведвальнікаў медыя-аўтобус, прыпаркаваны побач з будынкам філалагічнага факультэта Гродзенскага дзяржаўнага ўніверсітэта імя Янкі Купалы.
Мэтай праекта, ініцыяванага МЗС ФРГ і Інстытутам Гётэ, з’яўляецца метадычная і дыдактычная падтрымка выкладчыкаў нямецкай мовы ў беларускіх школах.
Па словах прадстаўніцы Інстытута Гётэ Катарыны Ланге, для ўдзелу ў праекце з беларускага боку адабраны чатыры школы з паглыбленым вывучэннем нямецкай мовы, вучні якіх паказалі найлепшыя веды. Сярод іх гарадзенская СШ №28, якую Інстытут Гётэ будзе падтрымліваць на працягу 3 год: абсталюе кабінет нямецкай мовы, створыць спецыяльную бібліятэку для настаўнікаў, дапаможа ім метадычна і дыдактычна. Акрамя таго, школа стане базай для рэалізацыі культурных праектаў.
У перспектыве праект “Школы:партнёрства будучыні” аб’яднае ў адну сетку 1000 школ з усяго свету.
