Самае цікавае наведвальнікаў Гарадзенскага гісторыка-археалагічнага музея чакае пасля 20 гадзін. Гэта лазерная экскурсія па музеях свету, дэманстрацыя калекцыі аддзення “Венецыянскі прывід”, выступ клуба славянскіх адзінаборстваў “Арыдан”. У гэты вечар супрацоўнікі музея прадэманструюць аматарам гісторыі легендарную ладдзю дванаццатага стагоддзя, скрадзеную з экспазіцыі ў 2004 годзе і вернутую сёлета.

“Ноч музеяў” ў Гародні скончыцца апоўначы вогненным феерычным шоў.

Кошт уваходнага квітка на ўсю праграму – 10 тысяч беларускіх рублёў.

Кася Крот