Раніцай 7 жніўня ў Алімпійскай вёсцы ў Пекіне, сярод сцягоў іншых краін-удзельніц Алімпіяды, ўзняўся ў неба беларускі сцяг. Узняццё сцяга сімвалізуе афіцыйнае прадстаўленне дэлегацыі Рэспублікі Беларусь на Алімпійскіх гульнях.

Алімпійская вёска павінна змясціць 16 тысяч чалавек з 205 краін свету. Першымі ў яе засяліліся кітайскія спартоўцы агульнай колькасцю больш за 600 чалавек. Гэта самая вялікая дэлегацыя. Дэлегацыя Беларусі налічвае каля 300 чалавек, у тым ліку 180 спартоўцаў. З гродзенскай вобласці ў Пекін паехаў 21 спартовец.

Акдрыццё алімпіяды запланавана на заўтра. На ім мае прысутнічаць прэзідэнт Беларусі Аляксандр Лукашэнка. Гульні адбудуцца з 8 па 24 жніўня.

Аляксей Шота