З 14 красавіка кожны ахвотны зможа прысутнічаць на судовым паседжанні  “Княжага суда” ў выкананні сябраў лідскага Клуба гістарычнай рэканструкцыі “Дайнава”.

“Княжы суд” ладзіцца ў залі Лідскага замку па замовах турыстаў.

Кіраўнік “Дайнавы” Юрась Мандрык распавядае пра гісторыю, пакладзеную ў аснову новай анімацыі клуба: “Суд Вялікага Князя Кейстута над Вайдылам скончыўся смяротным прысудам – гэта гістарычны факт. Вайдыла паходзіў з халопаў, але зрабіў добрую кар’еру, стаўшы пасцельнічым, а пасля дарадцам і сябрам князя Ягайлы – будучага караля Польскага. Ягайла выдаў за сябра сваю сястру і аддаў яму ў карыстанне Лідскі замак. Затое князь Кейстут лічыў Вайдылу сваім ворагам і, скарыстаўшыся выпадкам, забіў”.

Аўтар пьесы “Княжы суд” –  лідскі  журналіст Станіслаў  Суднік

Кася Крот