9 чэрвеня ў 11.30 у судзе Ленінскага раёна адбудзецца суд над старшынёй непрызнаванага ўладамі Саюза палякаў Беларусі Анжалікай Борыс.

Яе вінавацяць у арганізацыі несанкцыянаванага канцэрта польскага гурта “Lombard”, які адбыўся ў Гародні 2 мая.

Галоўным  арганізатарам канцэрта выступіла Генеральнае консульства Польшы, Саюз палякаў быў толькі суарганізатарам.

Раней у размове з карэспандэнтам “ТС” спадарыня Анжаліка казала: “Я вельмі здзівілася, калі праз тыдзень пасля мерапрыемства мяне абвінавацілі быццам бы ў несанкцыянаваным канцэрце. Не ведаю, чаго нашыя ўлады дамагаюцца. Гэта быў проста канцэрт, які спадабаўся ўсім прысутным. Ніякага палітычнага кантэксту ён не меў”.

Кася Крот