Каля шасцідзесяці чалавек прынялі ўдзел у конкурсе сачыненняў “З Быкавым у сэрцы”, арганізаваным грамадскім музеем Васіля Быкава ў Гародні.

Паводле кіраўніка музея Мікалая Аляксандравіча Мельнікава, у конкурсе, прымеркаваным да Дня Перамогі, удзельнічалі школьнікі, студэнты, настаўнікі. Сярод тэмаў, прапанаваных удзельнікам – “Горкая праўда пра вайну ў творах Васіля Быкава”, “Урокі кахання і дабрыні ў творах Васіля Быкава, прысвечаных вайне”, “Мой праект помніка і вуліцы Васіля Быкава ў Гародні”.

Пераможцы атрымалі зборы твораў Васіля Быкава, а таксама віншаванні ўдавы і сына пісьменніка.

Кася Крот