Падчас пасяджэння палітычнага камітэта па Беларусі, якое адбылося ў рамках вясновай сесіі Парламенцкай асамблеі Рады Еўропы, адмысловы дакладчык па Беларусі Андрэа Рыгоні заклікаў параламентарыяў падпісаць дэкларацыю з просьбай аб зніжэнні кошту шэнгенскіх віз для беларускіх грамадзян.

Ніжэй прыведзены пераклад тэксту дэкларацыі: «Сярод еўрапейцаў беларусы вымушаны плаціць самую высокую цану – 60 еўра за аднаразовую Шэнгенскую візу. Гэта сума складае амаль траціну сярэднемесячнага заробку ў краіне. Кошт візы і бюракратычныя перашкоды ствараюць велізарныя цяжкасці для звычайных беларускіх грамадзян, асабліва студэнтаў, моладзі і бізнесоўцаў, калі яны спрабуюць ажыццявіць падарожжа па Еўропе, і яшчэ больш абмяжоўваюць іх кантакты з жыхарамі Еўрасаюзу.

Парламенцкая ассамблея Рады Еўропы, краіны – сябры Рады Еўропы і Еўрасаюзу шматразова рабілі заявы наконт таго, што палітыка, якая праводзіцца ў дачыненні да ўладаў, не мусіць адбівацца на звычайных беларусах і не павінна іх ізаляваць. Аднак, ЕС патлумачыў, што знізіць кошт шэнгенскіх віз для Беларусі толькі тады, калі краіна далучыцца да Еўрапейскай палітыкі добрасуседства (ЕПД).

Мы, тыя хто падпісаўся пад дэкларацыяй, лічачы, што падтрымка такіх высокіх коштаў на візы супярэчыць імкненню не ізаляваць звычайных беларусаў, просім Еўрапейскі Саюз і нацыянальныя ўрады ўтварэння знізіць кошт Шэнгенскіх віз і спрасціць працэдуру іх атрымання для беларускіх грамадзян, каб павялічыць іх мабільнасць настолькі, наколькі гэта магчыма».

Паводле інфармаціі Office for a Democratic Belarus