Лянота і эгаізм, абыякавасць і грацыёзнасць панавала сярод удзельнікаў гэтага, у апошнія часы рэдкага для нашага горада, мерапрыемства. У тых, хто стаў героем  падобных  падзей упершыню, назіралася хваляванне і заклапочанасць. Яно і  зразумела – у першы раз заўсёды страшна.

Гэтым восеньскім нядзельным днём у аматараў і прафесіяналаў-заводчыкаў з’явілася яшчэ адна нагода, каб сабрацца і прадэманстраваць наведвальнікам і строгім суддзям прыгажосць і чысціню крыві сваіх пястуноў - выстава. Удзельнікі ў сваёй большасці былі як раз-та не гродзенскія - амаль усе паз’яжджаліся з розных куткоў Беларусі.

У свеце феліналогіі таксама ёсць свае папсовыя тэндэнцыі, што адразу можна было заўважыць наведаўшы выставу. Добрую палову ўсіх парод складалі Брытанцы і Шатландцы – з любоўю называемыя плюшавымі медзведзянямі, дзякуючы сваёй мілай пысачцы і мяккай, шчыльнай шэрсці. Было некалькі і экзатычных парод, вельмі рэдкіх для Беларусі, напрыклад, самая вялікая кошка вядомая ў феліналогіі Мэйн-кун, самцы гэтай пароды дасягаюць вагі ў 13 кілаграмаў.

Тут жа,на выставе можна было набыць сабе кацёнка, амаль усіх прадстаўленых парод. Кошт іх прамапрапарцыйна залежыць ад рангаў, каторымі валодаюць іх бацькі. Таму, тыя клапоты і затраты, што нясе з сабой удзел у выставах у самых разнастайных гарадах і краінах, спраўна могуць пакрывацца дзякуючы кацянятам чэмпіёнаў.

Выставу арганізавала грамадзкае феліналагічнае аб’яднанне “Містэр Кот”, што зарэгістравана ў Брэсце. У нашым рэгіёне яно мае вялікае поле для дзейнасці, бо на сёння ў Гродна няма ніводнай арганізацыі, якая б сабрала вакол сябе аматараў і прафесіянальных заводчыкаў катоў, хоць калісці іх было две.

 Віталь Вановіч

Фота Алінкі Новік