Калі набраць у пошукавіку «PR», то ён выдасць вам добрую сотню старонак. Вікіпедыя мае шмат азначэнняў гэтага скароту. І ўвогуле, мала хто не чуў сёння слова PR, аднак большасць на пытанне – «Што такое PR?» – адказвае невызначальна, альбо наогул не адказвае.

PR, або Сувязі з Грамадскасцю, – гэта магутная прылада для рашэння шырокага колу праблем, адзін з метадаў кіравання грамадскім меркаваннем. І з кожным днем значэнне PR узрастае. Менавіта PR-форум, першы ў Беларусі, прайшоў у Гродна 12-13 сакавіка.

Тэма форуму – «Роля ВНУ Гродна ў сацыяльна-культурным жыцці рэгіёна». Ён быў прысвечаны Міжнароднаму году моў і надыходзячаму 880-годдзю горада. Гэта першы крок да развіцця PR-тэматыкі ў краіне ў цэлым. Форум носіць у першую чаргу асветніцкі характар,  ён накіраваны на тое, каб пазнаёміць студэнтаў з паняццем PR. У рамках форума праводзіліся конкурсы спічрайтынга, аратарскага мастацтва і конкурс PR-праектаў, каб вызначыць узровень зацікаўленнасці ў дадзенай вобласці і ацаніць здольнасці. Найлепшыя праекты будуць адпраўлены на Міжнародны конкурс «Крыштальны апельсін». Таксама ў студэнтаў была магчымасць наведаць майстэр-класы, тэматыка якіх была даволі разнастайнай – «Асновы аратарскага мастацтва», «Спецыфіка дзейнасці спецыялістаў па сувязях с грамадскасцю ў Рэспубліці Беларусь», «PR у інтэрнэце».  Арганізатары форуму гавораць, што гэта не апошняе мерапрыемства такога характару. Улетку плануецца правядзенне навучальных трэнінгаў, тыдняў нефармальнай адукацыі, магчыма – стварэнне навучальнага лагера на базе эканамічнага факультэта. Увосені адбудзецца Міжнародная PR-канферэнцыя.

У наш час даволі складана зарыентавацца ў вялізным струмені інфармацыі і вылучыць тое, што сапраўды важна. PR дазваляе зразумець, што і як трэба паказаць чытачу/гледачу.  Гэта важная частка сучаснага свету, без развіцця якой немагчымы інфармацыйны прагрэс.

Дар’я КУЛІНКА