“Дынама”: Барысаў; Пуяц – Скрыпялёў, Выглазаў – Савілаў –Ложкін; Коласаў – Мядзведзеў, Дудзік – Осіпаў – Дземагін; Сушко – Журык (к), Ягораў – Ерашоў – Кулакоў; Цярэшка, Філін, Хафізаў.

Шайбы:0:1 – Дземагін (Дудзік, Мядзведзеў, 45:01), 0:2 – Дземагін (Мядзведзеў, Осіпаў, 54:53).

Штраф: 10 – (Гоман, Панцырэў, Казловіч, Зелянко, Арлюк) – 6 – (Савілаў - 6).

Браскі:24:37 (9:9, 12:8, 3:20).

Лепшыя гульцы: Яноўскі, Дземагін, Барысаў.

Правалены трэці перыяд не дазволіў “Нёману” запісаць ачкі у свой актыў.

На працягу першых сарака хвілін гарадзенцы самааддана змагаліся. І можна смела сказаць, што выглядалі гаспадары ярчэй за гасцей. Што здарылася ў заключнай частцы матчу, застаецца пытаннем. Каманду, як быццам падмянілі, тры неакцэнтаванных кідка па браме мінчан наўрад ці і момантамі можна назваць. Дынамаўцы ж карысталіся бездапаможнасцю “Нёмана” як маглі. І на 46 – ай хвіліне Дземагін падцвердзіў старое як мір выказванне: “не забіваеш ты, забіваюць табе”. На 53 – й – шайба цудам не апынулася за стужкай гарадзенскай брамы ў другі раз. Ложкін дакладна кінуў, дыск спыніўся ў некалькіх сантыметрах ад чырвонай стужкі і Коваль яго ўбачыў, своечасова прыціснуў лавушкай.

Праз паўтары хвіліны госці дабіліся такі поспеху ў другі раз. Мінчане нядрэнна разгулялі лішняга. Осіпаў аддаў Мядзведзеву, які і вывеў дынамаўскага форварда Дземагіна на кідок. Апошні добра абгуляў дваіх гарадзенскіх абаронцаў, кінуў і, які не завалодаў з асабістай скорасцю, упаў і ўехаў у борт. У “Нёмана” адгуляцца не заставалася ні часу, ні, здавалася, моцы.

Андрэй Сідарэнка (Дынама):

- Задаволены вынікам. Гулялі сёння абедзве каманды на вынік. І мы, і гарадзенцы гулялі ад абароны і чакалі памылкі суперніка. Удзячны сваім хлопцам за цярплівасць.

Уладзімір Шэнько (Нёман):

- Агідны трэці перыяд. Не ведаю, што здарылася з камандай, нельга ж сказаць, што не было жадання. Але пасля прапушчанай у меншасці шайбы многія з моладзі псіхалагічна зламаліся.

“Нёман”: Коваль; Баранаў – Лупандзін, Арлюк – Калачоў (к) – Рылькоў; Гусеў – Агнешчыкаў, Гоман – Малашкевіч – М.Казловіч; Саяпін – Кручынін, Фралоў – Паліцынскі – Рашчынскі; Нічыўхін – Зелянко, Панцыраў – Паўловіч – Яноўскі.

“Гомель”: Бессонаў (Брыкун, 15:32); Масленнікаў – Крывамаз, Есаўлаў – Задзелёнаў – Андрыеўскі (к); Летаў – Корабаў, Брызгалаў – Алецкі – Міхайлаў; Дрындзін – Ісаенка, Клімін – Бліноў – Мусіенка; Сырэй, В. Цімчанка, Мядзель.

Шайбы: 1:0 – Рылькоў (Калачоў, Арлюк, 0:48), 2:0 – Панцырэў (Яноўскі, Зелянко, 12:38),  3:0 – Калачоў (15:32), 3:1 – Бліноў (16:35), 3:2 – Бліноў (Брызгалаў, Летаў, 49:02), 4:2 – Калачоў (Баранаў, 49:59).

Штраф: 18 – (Кручынін, Нічыўхін, Лупандзін – 4, Рылькоў – 4, Казловіч – 4, Паўловіч) – 40 -  (Летаў – 4, Масленнікаў, Есаўлаў – 4, Ісаенка – 6+20, Корабаў, В. Цімчанка).

Браскі: 26:30 (8:12; 11:13, 7:5)

Лепшыя гульцы: Калачоў, Бліноў.

Перамога над “Гомелем” стала для “Нёмана” сімвалічнай не толькі таму, што хакеісты нарэшце задаволілі сваіх аматараў не аднымі момантамі, але і з дапамогай чатырох забітых шайбаў, а яшчэ і таму, што гэта двухсотая перамога “Нёмана” у чэмпіянаце Беларусі.

Гарадзенцам у гэты дзень відавочна ўсміхалася фартуна. Адкрылі лік гаспадары ўжо на 48-ай секундзе, калі Рылькоў добра завершыў пачатую Калачовым атаку. Госці, як бы гэта не здзіўляла, увесь перыяд прыціскалі “Нёман” да іх уладанняў, але шайба проста такі не шла ў гарадзенскую браму. А вось гаспадары на 13 – ай хвіліне лік падвоілі. Панцыраў нядрэнна згуляў супраць двух гомельскіх абаронцаў і кінуў дакладна па цэнтры. І, ці першая шайба зламала вопытнага кіпера гасцей псіхалагічна, ці проста сказалася стома, але святло за брамай Бессонава запалілася ў другі раз.  Праз меней, чым тры хвіліны Калачоў трэці раз прымусіў брамкара капітуляваць. Сініцын замяніў вопытнага Бессонава на маладога Брыкуна.

На 17 – ай хвіліне цярплівасць і настойлівасць гасцей ўсё ж прынесла плён. Гаспадары, стварыўшы мітусню каля сваіх уладанняў, самі дазволілі Блінову, які толькі і чакаў магчымасці прабіць, без асобай натугі скараціць адрыў у ліку.

Абураныя нахабнасцю экс–нёманца, гаспадары ў другой дваццаціхвілінцы пачалі дыктаваць свае правілы гульні і актыўна прэсінгаваць, што на 37 – ай хвіліне ледзь не прывяло да павялічэння ліка на табло. Але закінутая Панцыравым шайба залічана не была, свісток арбітра на долю секунды апярэдзіў маладога форварда.

За хвіліну і 18 секунд да перапынку Лупандзін і Ісаенка вырашылі выясніць адносіны, што амаль прывяло да мардабою. І калі гарадзенскі абаронца, пагадзіўшыся з рашэннем арбітра, паехаў адбываць пакаранне, то гамяльчанін, самавольна пакінуўшы лаву штрафнікоў, вырашыў з рэферы паспрачацца. За што і атрымаў яшчэ 2 хвіліны скамеечнага штрафа і выдаленне да канца гульні.

Заключная частка падаравала “Гомелю” надзею ўсталяваць раўнавагу. На 50 – ай хвіліне адзначыўся зноў Бліноў.  Гэтая хвіліна прынесла і яшчэ адно засмучэнне “Нёману” і папоўніла лазарэт гарадзенцаў. Нападніку гаспадароў Паліцынскаму зламалі палец. Суддзя ж вінаватага не пакараў. І вось тут нёманцы напэўна адчулі сапраўдную спартыўную злосць. Праз 57 секунд пасля трыўмфа Блінова, Калачоў паставіў кропку ў ходзе гэтай гульні. Моцна кінуўшы, ён адправіў дыск у ніжні вугал, тым самым павялічыўшы адрыў.

Уладзімір Сініцын (Гомель):

- Засмучаны гульнёй, асабліва яе пачаткам. Прапусцілі тры шайбы. Затым крыху ўстрапянуліся, загулялі ў нядрэнны хакей. Нават выраўнялі гульню. Але чацвёрты гол нам усё абрэзаў.

Уладзімір Шэнько (Нёман):

- Вынікам задаволены. Вынік быў патрэбен і нам, і “Гомелю”. Дзякую хлопцам за тое, што змагаліся да апошняй хвіліны. Але ж тактычную ўстаноўку да канца ўсё роўна не выканалі.

“Нёман”: Коваль; Бараноў – Лупандзін, Арлюк – Калачоў – Рылькоў; Гусеў – Агнешчыкаў, Гоман – Малашкевіч – Казловіч; Саяпін – Кручынін, Фралоў – Паўловіч – Рашчынскі; Нічыўхін, Зелянко, Маркідан.

“Металург”:Буйко; Навіцкі – Губернатараў; Редліхс – Кукушкін – Наўмаў; Башко- Дурноў, Шырокаў – Асмалоўскі – Цыпуліс; Камінскі – Цітавец, П. Воўчак – Ермолаў – А . Волчак; Куленок, Хамко, Куцэвіч, Гарбаконь.

Шайбы: 0:1 – Башко (Ціпуліс, 4:47), 0:2 – Башко (Шырокаў, 7:15), 1:2 – Гоман (Малашкевіч, 24:10), 2:2 – Саяпін (27:37, буліт), 2:3 – П.Воўчак (Ермолаў, Гарбаконь, 48:53), 2:4 – Кукушкін (Рэдліхс, Навіцкі, 50:42), 3:4 – Калачоў (55:00).

Штраф: 12 – (Арлюк – 4, Кручынін, Фралоў, Гусеў, Рашчынскі) – 12 – (П. Воўчак – 4, Ермолаў – 4, Башко, Камінскі).

Браскі: 24:34 (7:13, 9:9, 8:12).

Лепшыя гульцы маічу: Саяпін, Буйко, Кукушкін.

“Металург” меў ў гэтай гульні псіхалагічны бонус, ім трэба было рэабілітавацца пасля паражэння ад аўтсайдэра “Брэста”. І яны рабілі для гэтага ўсё магчымае.

На другой хвіліне “Металург” ледзь не запаліў першую лічбу на табло. Вось толькі шайба Гарбакан закінуў у зрушаную браму. А на 5 – ай хвіліне Башко гэтую памылку выправіў. На 8 –ай жлобінскі абаронца святкаваў закінутую шайбу у другі раз. Адказ гарадзенцы далі толькі на 25 – ай хвіліне, калі Малашкевіч вывеў на кідок Гомана.

На 28 –ай Рашчынскі выйшаў сам на сам з Буйко і, здавалася, ужо закінутай шайбы не пазбегнуць, але Камінскі, прытрымаў Рашчынскага, за што “Металург” атрымаў буліт. Прабіваць карны Шэнько адправіў Саяпіна і не памыліўся.

Апошняя дваццаціхвілінка расставіла ўсё па сваіх месцах. На 49 – ай хвіліне Павел Воўчак вывеў гасцей наперад, а на 51 – Кукушкін павялічыў адрыў. Веру ў тое, што адгуляцца яшчэ магчыма, вярнуў гарадзенцам капітан. У астаўшыйся час гарадзенцы замянілі галкіпера шостым палявым, але звярнуць раўнавагу так і не змаглі.

Яўгеній Лебедзеў (Металург):

- Гульня ў Брэсце наклала на нашую гульню адбітак. Зразумела, што саступаць не жадалі. Выдатна глядзеліся ў першым перыядзе, у другім – згубілі нітку гульні, ну і ў трэцім – усталявалі раўнавагу. Дзякую хлопцам за самаадданасць.

Уладзімір Шэнько (Нёман):

- Агідна пачалі. Але, як вы ведаеце ў нас немалы лазарэт. Засмуцілі непатрэбныя выдаленні у першым перыядзе. У другім перыядзе, дастукаўся да хлопцаў, пачалі гуляць. На мае меркаванне – нічыя была бы ў гэтай гульні справядлівым вынікам. Нават перамагчы маглі, але майстэрства не хапае.

Іна Хітрушка.