Ізноў надвор’е зрабіла неспадзянку. Толькі, калі ў мінулы раз была невыносная спека, то цяпер – навальніца. Але і гэта не змагло перашкодзіць паказаць гульцамі відовішчны футбол.

ФК “Нёман” 3 – 1 ФК “Мінск”

“Нёман”: Вярэмка, Горбач(Яраслаўскі, 89), Сасноўскі, Ікім, Жувенал, Кавалюк, Кірэня(Цішчанка,70), Дзянісевіч, Макар(Язерскі,75), Алумона, Крывабок.

Запасныя: Ашыхмін, Кавалёнак, Цішчанка, Язерскі, Лісіца, Савастьянаў, Яраслаўскі.

“Мінск”: Парэчын(Юркевіч,72), Саакян, Лабецкі, Пікта, Мартынец, Макараў(Хачатурян,55), Пятраўскас, Асіпенко, Сачыўка, Літвінчук, Міхнавец(Яўсеянка,72)

Запасныя: Юркевіч, Хачатуран, Яўсеянка, Лясюк, Казлоў, Федасееў, Дабравольскі.

Галы: Літвінчук, 22; Жувенал, 54; Алумона, 67; Дзянісевіч, 68

Папярэджанні: Горбач, 21; Міхнавец, 23; Макараў, 43; Літвінчук, 46; Сасноўскі, 52; Жувенал, 54; Яўсеенка, 79; Алумона, 92.

Першы тайм выдаўся досыць багатым на галявыя моманты. Праўда, зрэалізаваць гэтыя самыя моманты доўгі час не атрымлівалася ніводнай з каманд. Толькі на экватары тайму, дзякуючы памылцы Горбача, які атрымаў папярэджанне, госці змаглі такі засмуціць Вярэмку, забіўшы пэнальці. А вось гарадзенцы ніяк не маглі схапіць кураж.

Другую ж палову сустрэчы актыўна распачалі і тыя, і другія. Толькі актыўнасць гасцей памяншалася па меры таго, як павялічваўся лік на табло на карысць супернікаў. Спачатку, на 54 хвіліне статус кво аднавіў гарадзенскі бразілец Жувенал. Апошні так узрадаваўся поспеху, што, бягучы да трыбуны, зняў з сябе кашулю, за што атрымаў ужо чацвертую жоўтую картку ў сезоне. Адчуўшы прыліў моцы, гарадзенцы прыбавілі і ў хуткасці, і ў рэалізацыі галявых момантаў момантаў. На 67 хвіліне атаку завяршыць удалося ўсеагульнаму любімцу Алумоне, а на 68 – вылучуўся гарадзенскі выхаванец Дзенісевіч.

 
Сяргей Яромка (галоўны трэнер ФК “Мінск”):

Гульня скончана, а лік застаецца. Лік лічу заканамерным. Мы спрабавалі гуляць другім нумарам, выкарыстоўваючы слабыя бакі “Нёмана”, ведаючы пры гэтым, што ў гарадзенцаў былі праблемы з лініяй абароны, у прыватнасці с правым флангам. Кажуць, што “Мінск” правальвае другія таймы, я б так не сказаў. Гарадзенцы і ў першым тайме гулялі першым нумарам, калі б яны адразу забілі, было б цяжэй.У другім тайме гулялі так як нам дазваляў супернік. Нават пры ліку 3:1, мелі добрыя моманты. І калі б наш брамнік не зрабіў дзве грубейшыя памылкі, я не ведаю, як бы скончылася гульня. На мой погляд, згулялі нядрэнна, улічваючы, што гулялі на выездзе з лідэрам.

Людас Румбуціс (галоўны трэнер ФК “Нёман”):

Сыгралі нядрэнны матч. Стварылі багата момантаў. І, калі мячу, здавалася, няма куды дзявацца, Парэчын (брамнік “Мінска” – Рэд.) ратаваў, а калі, асабліва момантаў і не было, зрабіў дзве дзіцячыя памылкі.

Я вельмі перажываў за гэтую гульню, таму што больш зарганізаванай каманды, чым “Мінск” у беларускім чэмпіянаце няма. Яны маюць некаторыя праблемы з адсутнасцю выканальнікаў больш высокага узроўня і апошнім рубяжом. Яны таксама добра гулялі, але трэба прызнаць, мы былі мацнейшымі… Прызнацца, калі пачаўся 2 тайм, я падумаў: “Ну як жа так! І бяжыцца, і б’ецца, і гуляецца… Ну не можа такога быць…”. Але дзякуй Богу, футбольны розум сёння перамог. Добрая гульня і мы можам занесці яе ў свой актыў.

Іна Хітрушка