Нашыя хлопцы напачатку завалодалі ініцыятывай. Яны пераігралі берасцейцаў і ў руху, і ў мыcленні, і па атаках. Гарадзенцы ўжо ў першым тайме мелі шанец змяніць лік на сваю карысць. Вельмі добры ўдар Алумона, выкананы другім паверхам, сустрэла папярэчына. Потым яшчэ некалькі добрых момантаў, каля брамы гасцей. У адказ “Дынама” не здолелі стварыць нічога вартага.

Пачатак другога тайма прымусіў брамніка гасцей пахвалявацца. Вось толькі мяч ў сетку берасцейскай брамы ніяк не ішоў. Развязка адбылася на 65 хвіліне, суддзя вырашыў, што момант, у якім берасцейцы груба дзейнічалі супраць Алумона, цягне на пенальці. І любімец гарадзенскай публікі без асаблівых цяжкасцяў увагнаў мяч ва ўладанні Якімава. Госці сталі паводзіць сябе нэрвова. Кур’ёзны момант здарыўся, калі пасля аута, Жувенал, які павінен быў укідваць мяч, выпусціў яго з рук. Дзямешка, які знаходзіўся побач, рэзка схапіў мяч і нечакана “зарадзіў” у галаву разгубленнаму бразільцу. Арбітр такой вольнасці берасцейцу з рук не спусціў і Дзямешка атрымаў “гарчычнік”. Забягаючы наперад, варта адзначыц, што суддзя ў гэтай сустрэчы жоўтых картак не шкадаваў. У выніку кожная з каманд па пяць разоў бачыла перад сабой жоўты колер.  Не абышлося і без чырвоных. Уладальнікам апошняй стаў гарадзенскі форвард Крывабок, які ў барацьбе з Панасюком нечакана ўпаў на газон. Судзя яго “ўзнагародзіў” яго карткай. І ўкраінскі легіянер мабыць не зусім карэктна папрасіў арбітра патлумачыць і нарваўся на грубасць. Чырвоная картка і Крывабок, падзякаваўшы фанатам за падтрымку, пакідае поле. Відаць, гэты момант стаў перломным. Ды і берасцейцы, пасля сыходу аднаго з лідэраў “Нёмана”, атрымалі псіхалагічны бонус. Схапіўшы кураж Мазалеўскі святкаваў двойчы. 1:2 і берасцейскае “Дынама” атрымала пуцёўку на кубак УЕФА.

Іна Хітрушка.